२०६२ वैशाख १७ शनिबार

आज शनिबार सँधै झै ढीला उठेर पत्रिका हेर्दा तीनछक्क परेँ । संकटकाल फिर्ता लिइएको रहेछ । गएराति अबेर राजदरबारबाट यो घोषणा भएको रहेछ । हिजो राति अबेरसम्म इन्टरनेटमा नै थिएँ म तर सुँइकोसम्म पाइनँ मैले यसबारेमा । नेपालको इतिहासमा महत्वपूर्ण घटना राति नै हुने गरेका छन् । चाहे त्यो असोज १८ को कान्ड होस् वा राजदरबार हत्याकान्ड वा अस्ति भर्खरको भूपू प्रमलाई भ्रष्टाचारको आरोपमा गिरफ्तार गरेको नेपालको ऐतिहासिक घटना । शायद त्यसैले संकटकाल हटाउने घोषणा पनि राति नै भएको हो कि । त्यसो त माघ १९ को शाही घोषणा पनि अघिल्लो दिन राति नै हुने व्यापक हल्ला थियो । किन भोलिपल्ट बिहान भएछ कुन्नि । (more…)

२०६२ वैशाख १७ शनिबार

हाम्रो संविधानमा धारा १२७ पनि गजब कै जादूको छडीजस्तो धारा रहेछ बा । अरु धाराबाट त पानीमात्रै आउँछ । तर यो धाराबाट त जे चाहियो त्यही झार्न मिल्ने रहेछ । पौराणिक कथामा कल्पवृक्ष भन्ने एउटा रुख थियो रे, चिताएको कुरा त्यो रुखले पूरा गर्थ्यो रे । अहिले धारा १२७ ले पनि जे चितायो, त्यही पूरा हुने रहेछ । (more…)

२०६२ वैशाख १६ शुक्रबार

माघ १९ को शाही घोषणापछि पहिलो पटक विदेश भ्रमण सम्पन्न गरी आज स्वदेश फर्कँदा राजाले विमानस्थलमा पत्रकारहरुलाई भ्रमणको उपलब्धिका बारेमा “ब्रिफिङ” गरेको सुन्दा सुरुमा त अचम्म लाग्यो । प्रधानमन्त्री, मन्त्रीहरुमात्र यसरी विदेशबाट फर्कँदा पत्रकारहरुसित कुराकानी गर्ने गर्थे । संभवतः राजाले विमानस्थलमा नेपाली पत्रकारहरुसित कुराकानी गरेको यो पहिलो घटना हो । पछि यसो विचार गरेर हेर्दा भने बेकारमा अचम्म मानेको रहेछु जस्तो लाग्यो । माघ १९ पछि देशमा प्रधानमन्त्री भन्ने पद नै छैन । प्रधानमन्त्रीले गर्ने काम राजाले नै गरिरहेका छन् । अनि यसरी प्रधानमन्त्रीले जस्तो विमानस्थलमा पत्रकारहरुसित कुरा गर्नु कुन ठूलो कुरा भयो र । २१ अ‍ौं शताब्दीको राजतन्त्र देखिने र सुनिने हुन्छ भनेर त मौसूफले पहिले नै भनिबक्सेको थियो नि ! (more…)

२०६२ वैशाख १६ शुक्रबार
आतंकवादविरुध्द युध्द छेडी विश्वलाई सुरक्षित बनाएको दावी गर्दै आएका अमेरिकी राष्ट्रपति जर्ज डब्लु बुस आफ्नै देश र आफ्नै निवासमा कतिसम्म असुरक्षित र त्रसित अवस्थामा रहन्छन् भन्ने कुराको पुष्टि यो हप्ता भएको छ ।
भयो के भने गत बुधबार राजधानी वासिङटनको उडान निषेधित क्षेत्रमा एउटा विमान पसेको खबर आयो । त्यसपछि तत्काल सुरक्षा सतर्कता अपनाइयो । राष्ट्रपति भवनमा ठूलो हलचल मच्चियो । राष्ट्रपति बुसलाई उहाँकै कार्यालयबाट एक भूमिगत बं‍करतर्फ लगियो । (more…)

२०६२ वैशाख १६ शुक्रबार
मेरो संसार ब्लगको होस्टिङ एउटा निःशुल्क स्थान उपलब्ध गराउने कम्पनी ब्लगसमबाट हुँदै आएको छ । धेरै ठाउँ चहारेपछि अन्ततः मैले यो स्थानलाई उपयुक्त ठानेको थिएँ । तर अहिले आफ्नो निश्कर्ष गलत भएको त हैन भन्ने महसूस मलाई भइरहेको छ । किनभने यो साइट समय-समयमा डाउन अर्थात् अनुपलब्ध हुने गर्छ । हिजो पनि रातिदेखि आज अपरान्हसम्म साइट डाउन भएको थियो । यसका कारण म एकदमै निराश भइसकेको थिएँ । त्यसो त कम्पनीको पनि आफ्नै समस्या होलान्, उसले पनि त बिना शुल्क यस्तो सेवा उपलब्ध गराउनु पर्छ । तर प्रतिस्पर्धी अरु साइटहरुमा त्यस्तो समस्या खासै मैले देख्ने गरेको छैन । निःशुल्क स्थान दिने कम्पनीको सेवा प्रयोग गर्नु भने मेरो बाध्यता हो । न यसरी ब्लग गर्दा मलाई कुनै आर्थिक हिसाबले फाइदा हुन्छ न भविष्यमा हुने आशा नै छ । त्यसैले शुल्क तिरेर उत्कृष्ट सेवा दिने स्थानमा ब्लग होस्ट गर्ने मेरो सामर्थ्य छैन । त्यसै त इन्टरनेट र त्यसलाई चलाउन लाग्ने टेलिफोन शुल्कले ढाड सेकाउने गरेको छ ! यति लामो पुराण हालेर पाठकवृन्दलाई भन्न चाहिँ के खोजेको हुँ भने कुनै बेला तपाईँले चाहनुभएको बेला साइट खुलेन भने निराश नहुनु होला, पछि फेरि प्रयास गर्नुहोला, माया नमार्नुहोला । किनकि यो समस्याको समाधान गर्न म असमर्थ छु । नेपोलियन पनि मेरो स्थानमा भएको भए यो समस्याको समाधानलाई असंभव नै ठान्थे होलान् र असंभव भन्ने शब्द मूर्खको मात्र शब्दकोशमा हुँदैन भनेर स्वीकार्थे होलान् । कतै मैले बढी त भनिनँ ?

श्रीमति देउवाद्वारा आत्महत्याको धम्की
रुवाबासी, तानातान
रुँदै श्रीमति देउवाले भन्नुभएछ मेरो एउटै श्रीमान् छ, मेरो छोरोको एउटै बाउ छ

२०६२ वैशाख १४ बुधबार
पूर्व प्रधानमन्त्री शेरबहादुर देउवालाई बूढानिलकण्ठस्थित उहाँकै निवासबाट गएको मध्यरातमा शाही आयोगले गिरफ्तार गर्दा महाभारत नै मच्चिएको रहेछ । मध्यरात सवा १२ बजे आएका सुरक्षाकर्मीहरुले दुई घण्टासम्मको महाभारतपछि सवा २ बजे बल्ल गिरफ्तार गरी लगेका रहेछन् । घटना भएको बेला घटनास्थलमा रेकर्ड भएको एउटा अडियो मलाई प्राप्त भएको छ । तपाइँ यसलाई यहाँ क्लिक गरी सुन्न सक्नुहुन्छ । (लोड हुन समय लाग्न सक्नेछ केही बेर धैर्य गर्नुहोला) अडियोमा सुनिए अनुसार श्रीमति देउवाले सुरक्षाकर्मीहरुलाई राति गिरफ्तार गर्न आएकोमा आपत्ति जनाउनुभएको रहेछ । एक ठाउँमा त श्रीमति देउवाले “मेरो एउटै श्रीमान छ मेरो जिन्दगीमा । मेरो छोराको एउटै बाउ छ । म राति पठाउन सक्दिन” भन्दै रुनुभएको र देउवाले उहाँलाई “नरोउ न आरजु” भनेर सम्झाएको सुनिएको छ । त्यसैगरी एक ठाउँमा “तपाइँ मलाई धेरै उ नगर्नुस् म गोली हान्दिन्छु, मेरो ज्यान त म लिनसक्छु नि” भन्दै शायद आत्महत्या गर्ने धम्की दिनुभएको छ । सुनिएका आवाजलाई मैले बुझेसम्म निम्नानुसार लिपिवद्ध गरेको छु । बाँकी (more…)

२०६२ वैशाख १४ बुधबार
वा ! क्या रमाइलो छ घटनाक्रम । सस्पेन्स थ्रिलरजस्तो छ घटनाविवरण । पहिला चारैतिरबाट घेरा हालियो । त्यसपछि बत्ती निभाइयो । अनि फोन काटियो । अनि बेडरुमको ढोका ढककाउँदै १० मिनेटभित्र बाहिर ननिस्के ढोका फुटालीभित्र पस्ने चेतावनी….. । बाँकी (more…)

२०६२ वैशाख १४

पश्चिमतिर गजब-गजबका कुरा हुन्छन् । खानलाउन टन्न पुगेकै हुन्छ, अनि नानाथरि उट्पटयाङ गर्दै हिंड्छन् उनीहरु । यस्ता उट्पट्याङे कुराहरुलाई मैले “यस्तो पनि हुन्छ” श्रेणीमा समेट्ने जमर्को गरेको छु । (more…)

२०६२ वैशाख ११, आइतबार
आखिर “आइस ब्रेक” भएरै छाड्यो । माघ १९ को कदमपछि अनपेक्षित तीखो शब्दको प्रयोग गर्दै प्रतिक्रिया दिने भारत….त्यही कारण देखाउँदै ढाकामा हुन लागेको सार्क शिखर सम्मेलनलाई समेत स्थगित गराउने भारतले अन्ततः राजासित भेट गरेरै छाड्यो । हिजो राजा र भारतीय प्रधानमन्त्री मनमोहन सिंहबीच ४५ मिनेट वार्ता भएछ । पूर्वनिर्धारित नभए पनि सिंहको व्यस्त समयतालिकाका बीच दुई देशका उच्च नेताबीच माघ १९ को कदमपछि पहिलो पटक वार्ता भयो । (more…)

२०६२ वैशाख १०, शनिबार
केही समय अगाडिको कुरा हो । कुनै ठाउँमा एक गरिब तर इमान्दार कम्प्युटर प्रोग्रामर बस्थे । उनी आफ्नो पुरानो पेन्टियम वन कम्प्युटरबाट प्रोग्रामिङ्ग गर्दै बस्थे । एकदिन उनको घरमा पाहुना आएका थिए । भीडभाडमा काम गर्न नसक्ने भएकाले उनी आफ्नो कम्प्युटर बोकेर घरनजिकै रहेको तलाउ छेउमा बसेर प्रोगामिङ्गमा व्यस्त भए । यत्तिकैमा भूइँचालो आयो र उसको टेबुल हल्लिएर कम्प्युटर तलाउमा खस्न पुग्यो । यी प्रोगामरले पञ्चतन्त्रको कथा सुनेका रहेछन् । त्यसैले जलदेवतालाई खुसी पार्न तनमनका साथ जुट्न पुगे । बाँकी (more…)

२०६१ वैशाख १०, शुक्रबार
विगत केही दिनदेखि म ज्यादै व्यस्त रहेँ । एउटा आउटसोर्सिङको काम गर्दैछु भारतको क्रिस्टल हुएस कम्पनीको । अझै केही दिन त्यसैमा व्यस्त रहनु पर्ने संकेत देखिएको छ । व्यस्तता कै कारण ब्लग लेखन बन्द गर्न बाध्य भएको थिएँ । आज यसो समय निकालेरै भए पनि ब्लग लेख्न बसेको हुँ । त्यसो त निद्रा नपुगेकोले हल्का टाउको दुखिरहेको छ । हिजो ३ बजे सुतेको थिएँ । तर बिहान सातै बजे आँखा खुलिहाल्यो ।
यसबीच गुगलमा मेरो ब्लगको सूचीकरण भइसकेको रहेछ । अंग्रेजीमा मेरो संसार भनेर टाइप गर्नुभयो भने गुगलले सुरु मै मेरो साइटको लिंक देखाउँदो रहेछ । त्यसबाहेक ब्लगमा भएका शब्दहरुलाई पनि युनिकोडमा टाइप गरेर सर्च गरे मेरो साइटको लिंक देखाउने रहेछ ।
अनि, यो ब्लगमा भएको अस्ति नयाँ वर्षको दिन खिचेको तस्वीर अमेरिकाबाट प्रकाशित हुने नेपालीपोस्टमा साभार गरिएको रहेछ । साथमा मेरो साइटको बारेमा पनि उल्लेख गरिएको रहेछ । क्याप्सन लेखिएको भने अलि चित्तबुझ्दो लागेन मलाई । जे भए पनि नेपालीपोस्ट जस्तो लोकप्रिय प्रकाशनले मेरो साइटको बारेमा उल्लेख गरेको हुँदा मेरो ब्लगका पाठक संख्यामा वृध्दि हुने आशा मैले राखेको छु । तर व्यस्तताका कारण नयाँ पाठकहरुलाई मैले केही नयाँ दिन सकिरहेको छैन । सोचिरहेको त छु केही विषयहरु जस्तै टाइममा एलेक्स पेरीले गरेको नेपाली राजनीतिको विश्लेषणको नेपाली अनुवाद, यही आउटसोर्सिङका कुरा अनि एउटा रोचक आधुनिक पञ्चतन्त्रको कथा । शायद मंगलबार म यी मध्ये कुनै एक विषयमा ब्लग गर्छु होला ।

विश्वप्रसिद्ध टाइम म्यागेजिनको वेबसाइटमा नेपालको द्वन्द्वसित सम्बन्धित १६ वटा तस्बिर समावेश गरी एक फोटो फिचर प्रस्तुत गरिएको छ । टाइमका लागि टमस भान हाउट्रिभेले यी तस्बिर खिचेका हुन् । फोटो फिचरका लागि यहाँ क्लिक गर्नुहोला ।

२०६१ वैशाख ६, मंगलबार 1:58 am

विश्वप्रसिद्ध टाइम म्यागेजिनको यस हप्ताको अंकमा नेपालसम्बन्धी लेखलाई आवरण कथा वा कभर स्टोरीको रुपमा प्रस्तुत गरिएको छ । टाइमको मुखपृष्ठमा एक माओवादी विद्रोहीको तस्बिर सहित रेबल नेसन शीर्षक दिइएको छ । आवरण कथा टाइमका दक्षिण एसिया ब्युरो प्रमुख एलेक्स पेरीले लेखेका हुन् । यसमा राजा ज्ञानेन्द्र, माओवादी अध्यक्ष प्रचण्डका विशेष अन्तवार्ता र समाचार विश्लेषण प्रस्तुत गरिएका छन् । समाचार विश्लेषणको शीर्षक गनिङ फर नेपाल, हिमाली अधिराज्यलाई विभाजित गर्ने रक्तपातपूर्ण गृहयुद्धका सम्बन्धमा टाइमको विशेष रिपोर्ट दिइएको छ । हरेक पृष्ठमा ब्लडी कन्ट्रीः नेपाल भनी उपशीर्षक पनि दिइएको छ ।

टाइममा राजाको अन्तर्वार्ता
२०६१ वैशाख ६, मंगलबार 1:51 am

टाइम म्यागेजिनमा राजा ज्ञानेन्द्रको अन्तर्वार्ताका मुख्य अंशमात्र प्रकाशित छन् । तर यसको वेबसाइटमा भने पत्रिकामा नछापिएका विस्तृत अंशसमेत समेटिएको छ । पाठकका लागि यहाँ त्यो विस्तृत अन्तर्वार्ताको भावानुवाद प्रस्तुत गरिएको छ । बाँकी (more…)

टाइम म्यागेजिनमा माओवादी नेता प्रचण्डको अन्तर्वार्ता
२०६१ वैशाख ६, मंगलबार 1:44 am

टाइममा प्रकाशित माओवादी नेता प्रचण्डको छोटो अन्तर्वार्ताको विस्तृत अंश इन्टरनेट संस्करणमा राखिएको छ । त्यसको भावानुवाद । (more…)