२०६२ असार १६, बिहीबार
हिजो सिंहदरबारभित्र आगलागी भएछ र त्यसका कारण विस्फोट भएछ। हामीले आधिकारिक रुपमा सुनेको कुरा यही हो। तर सुनेका कुराभित्र नसुनेका रहस्यलाई हामीले खासै वास्ता गरेका छैनौं। रहस्य भन्नाले ठूलै रहस्य त हैन, इतिहासमा रुचि भएकालाई थाहा भएकै कुरा हो। कतिलाई थाहा नहुन सक्छ, उनीहरुका लागि यो संयोगको रहस्य रमाइलै हुनसक्छ। कुरा के भने हाम्रा उपाध्यक्ष- हैन, हैन कालो सूचिवाला उपाध्यक्ष हैन, गोरै सूचिवाला उपाध्यक्ष अर्थात् कीर्तिनिधि विष्ट र सिंहदरबारको आगलागीसँग गजबको सम्बन्ध रहेछ। बाँकी (more…)

२०६२ असार १५ बुधबार
काठमाडौँको मुटु मानिने सिंहदरबारनजिकै अहिले केही समयअघि दिउँसो १ ४२ मा ठूलो विस्फोटको आवाज सुनिएको प्रत्यक्षदर्शीहरुले बताएका छन्। विस्फोटको आवाज निकै टाढासम्म सुनिएको र धुँवाको मुस्लो पनि उठेको देखिएको बताइएको छ। विस्फोटका बारेमा विस्तृत विवरण आउन बाँकी छ। (13:50pm NST)
भर्खरै प्राप्त समाचार अनुसार विस्फोट सेनाको सिंहदरबारभित्र रहेको मध्य पृतनाको सशस्त्र भण्डारमा भएको र घटनामा सात जना घाइते भएको थाहा भएको छ। घाइते मध्ये दुई जनाको अवस्था चिन्ताजनक भएको बताइएको छ। घटनाको आधिकारिक पुष्टि हुन बाँकी छ। (14:07pm NST)
अन्तिम अपडेटः शाही सेनाको जनसम्पर्क निर्देशनालयका अनुसार घटनामा १० सैनिक सामान्य घाइते भएका छन्। सिंहदरवारभित्रको शाही सेनाको रासन स्टोरमा विद्युतीय सर्ट सर्किटका कारण भएको आगलागीबाट खाना पकाउने ग्यास विस्फोट भएको बताइएको छ।

यौनमा उदार हुँदै गरेका नेपालीहरु

यौनमा उदार हुँदै गरेका नेपालीहरुको बारेमा शृङ्खलावध्द ब्लगको अर्को भागका रुपमा यसलाई प्रस्तुत गर्दैछु। केहीअघि मैले यो शृङ्खला सुरु गरेको भए पनि एउटै विषयमा धेरै ब्लग भयो भनी कमेन्ट आउन थालेकाले केही दिनका लागि विश्राम लिएको थिएँ। यो समलिंगी वा अरु यौन सम्बन्ध कायम गर्न रुचि भएका सेक्सी खुला विचारधाराका महिलाहरुको क्लबसम्बन्धी रिपोर्ट हो। बाँकी (more…)

२०६२ असार १३, सोमबार
अन्तर्राष्ट्रिय सञ्चार माध्यम भन्दैमा गल्ती नै हुन्न भन्ने हुँदैन। आजै हेर्नुस् न, पूर्व प्रधानमन्त्री शेरबहादुर देउवालाई दशैं खर्च दुरुपयोग गरेको अभियोगमा सफाइ दिएको समाचारसँगै जारी भएको तस्वीरमा देउवा रिहा भएको लेखिदिएछन्। (more…)

२०६२ असार १३, सोमबार
अन्तर्राष्ट्रिय सञ्चार माध्यमहरुमा आज पुनः एकपटक नेपालको चर्चा छाएको छ। तर यो गौरव गर्न लायक कुरा भने हैन। राम्रो कुराको हैन, नराम्रै कुराको चर्चा भएको हो। सीएनएनको टेलिटेक्स्टमा आज नेपालकै समाचारलाई प्रमुख समाचार बनाइएको छ साँझसम्म पनि। माघ १९ को कदमपछि नेपालको समाचार प्रमुख समाचार बनाइएको यो नै पहिलो अवसर हो। बाँकी (more…)

२०६२ असार १२, आइतबार
यी भारतीयहरु पनि अचम्मकै छन्। बिहीबार भारतको विहार राज्यस्थित मधुबनी बजारमा दिनदहाडै भएको आक्रमणमा नेपाली माअ‍ोवादीको संलग्नता भएको भनी पहिले प्रचार उनीहरुले नै गरे। अब आएर फेरि यो आक्रमणमा नेपाली माअ‍ोवादीको संलग्नता हुनसक्दैन भन्दै उनीहरु नै कराउँदैछन्। त्यसो त माअ‍ोवादीका प्रवक्ता कृष्णबहादुर महराले पनि हिजो एक प्रेस विज्ञप्ति जारी गर्दै उक्त आक्रमणमा आफूहरुको कुनै संलग्नता नभएको दाबी गरेको थियो। बाँकी (more…)

प्रचण्डको हटमेल ह्‍याक गरेर हेर्दा……………….

ठूलो पारेर हेर्नका लागि यहाँ क्लिक गर्नुहोला।

२०६२ असार १०, शुक्रबार
हामी नेपालीले गर्व गर्ने दिन आएको छ। किनभने अब विदेशमा पनि नेपाल र नेपालका राजाका बारेमा चर्चा हुन थालेछ। विदेशी राजनीतिज्ञहरुले कुनै कुराको उदाहरण दिनुपरेमा पनि नेपाल र नेपालका राजाको उदाहरण दिन थालेछन्। कुरा आजैको हो। (more…)

नेपालसित सीमा जोडिएको भारतको बिहार जिल्लामा माअ‍ोवादीहरुले गरेको भीषण आक्रमणबाट भारत सरकार अचम्भित भएको र घटनाको उच्चस्तरीय छानबिनका लागि आदेश दिएको भारतीय समाचार एजेन्सी आईएएनएसले उल्लेख गरेको छ। भारतमा माअ‍ोवादी आन्दोलन सुरु भएको ३८ वर्षको अवधिमा यही घटनालाई सबैभन्दा ठूलो आक्रमणका रुपमा लिइएको छ। बाँकी (more…)

२०६२ असार १० शुक्रबार
नेपालका माअ‍ोवादीहरुले अब भारतमा पनि आक्रमण गर्न थालेका छन्। भारतको एक सीमावर्ती गाउँमा नेपाल र भारतका माअ‍ोवादीहरुले संयुक्त रुपमा नियोजित आक्रमण गरेको दाबी भारतीय प्रहरीले आज गरेको छ। बाँकी (more…)

२०६२ असार ८ बुधबार

साथी केपीको नयाँ ब्लग बीनेपालमा माअ‍ोवादी क्रुरताले हद नाघेको तस्वीर देखेपछि यी शब्द नलेखी बस्न सकिनँ। केपीजीले यो तस्वीर ब्लगको भित्री पृष्ठमा राख्नुभएको थियो तर मैले जानी जानी त्यही फोटोलाई साभार गरेर अग्रपृष्ठमा राखेको छु। किनकि यो क्रुरतालाई दुनियासामु देखाउनै पर्छ। अनिमात्र सिर्जना हुन्छ जनमत क्रुरताको विरुध्द, आतंकको विरुध्द। बाँकी (more…)

२०६२ असार ८ बुधबार
काठमाडौंको नयाँ बानेश्वरस्थित एभरेस्ट होटलपछाडि रहेको नोबल एकेडेमीमा अहिले एकैछिन अगाडि अर्थात् राति ८ बजे बम विस्फोट भएको छ। १० जोड दुईसम्मको अध्ययन हुने उक्त निजी शैक्षिक संस्थाको कम्पाउन्डबाहिरको सानो गल्लीबाट अज्ञात व्यक्तिहरुले सुतली बम प्रहार गरेका थिए। विस्फोटका कारण विद्यालय परिसरमा सानो खाल्डो परेको छ र त्यहाँ रहेका विद्यालयका केही गाडीका शिशा फुटेका छन्। साथमा वरपर रहेका घरका शिशा पनि फुटेका छन्। विस्फोट कसले, किन गराएको भन्ने बारेमा केही थाहा हुन सकेको छैन। माअ‍ोवादीहरुले तीन स बन्द भनी शैक्षिक संस्था बन्द अभियान चलाएका छन्। शायद उनीहरुले नै पो यसो गराएका हुन् कि !

२०६२ असार ८ बुधबार
आज एउटा रमाइलो जादू तपाईँहरुसित बाँड्दैछु। जादू तासको हो र मूल जादू नामी अमेरिकी जादूगर डेभिड कपरफिल्डको हो। यसलाई एक वर्षजति अगाडि मैले नेपालीकरण गरेको थिएँ। पहिले जादू कस्तो खालको हो भन्ने बारेमा तपाईँलाई बताउँ है त। पावरप्वाइन्टमा बनाइएको यो जादूमा तासका ६ वटा पत्ती देखाइन्छन् र तपाईँले तीमध्ये एकलाई सम्झनु पर्नेहुन्छ। सम्झिसकेपछि जादूगर डेभिड कपरफिल्डको आँखामा एकपटक तपाईँले हेर्नुपर्ने हुन्छ। त्यसपछि उनले तपाईँले सम्झनुभएको तास ठ्याम्मै पत्ता लगाइदिन्छन्। पावरप्वाइन्टमा बनाइएको २७६ केबीको यो जादू डाउनलोड गर्न यहाँ क्लिक गर्नुस्। जादू हेर्नका लागि डाउनलोड गरेको फाइललाई डबल क्लिक गरिसकेपछि कीबोर्डको F5 की जुन माथिल्लो लहरमा हुन्छ, थिच्नुस्। आफ्नो अनुभव मलाई पनि बताउनुस् है त !

२०६२ असार ७ मंगलबार

संविधानमा नभएको पद खाइरहेका मन्त्रिपरिषद्का उपाध्यक्ष डा. तुलसी गिरीलाई बैंकको एक करोडभन्दा बढी ऋण तिर्न सहयोग गर्न मैले केही दिनअगाडि इन्टरनेटबाट चन्दा दिन आह्वान गरेको थिएँ। राजनीतिक पार्टीहरुले देशका विभिन्न भागमा चलाएका सुकामोहोर अभियानबाट उत्साहित भएर मैले त्यसो गरेको थिएँ। एक पाठकले त के हो चन्दा उठाएर पैसा कमाउने विचार छ कि क्या हो भनी प्रतिक्रियासमेत लेख्नुभएको थियो। हो त नि चन्दा उठेको भए भ्रष्टाचार गरेर मैले नै पच पारिदिने थिएँ होला। उठेन र पो त ! त्यतिबेला मलाई थाहा थिएन उपाध्यक्ष गिरी आफ्नो सुविधा र पारिश्रमिक बाहेक मासिक ७५ हजार विशेष भत्ता खाइरहनु भएको छ भनी। बाँकी (more…)

२०६२ असार ६ सोमबार
अपडेटः घटनास्थलमा १३ सुरक्षाकर्मी र ३ माअ‍ोवादीको शव बरामद भएको बताइएको छ तर संख्याको अ‍ौपचारिक पुष्टि भने हुन बाँकी छ। केही सरकारी कर्मचारीलाई पनि अपहरण गरी लगिएको थाहा भएको छ।
दोस्रो अपडेटः पाँच सुरक्षाकर्मी र दुई माअ‍ोवादीको मृत्यु भएको आधिकारिक रुपमा पुष्टि भएको छ। सैनिक जनसम्पर्क निर्देशनालयलाई उद्धृत गर्दै नेपाल टेलिभिजनले दिउँसो २ बजेको समाचारमा बताएअनुसार घटनामा दुई जनपद र तीन सशस्त्रका गरी पाँच प्रहरी र दुई माअ‍ोवादीको मृत्यु भएको छ। बेपत्ता हुनेहरुका बारेमा वक्तव्यमा कुनै उल्लेख छैन। वक्तव्यमा जिल्ला कारागारबाट ६३ बन्दी र उनीहरुका ३ बालबालिकालाई माअ‍ोवादीहरुले भगाएको पनि उल्लेख गरिएको छ। वक्तव्यमा माअ‍ोवादीहरुले गरेको आक्रमण प्रयासलाई सुरक्षाफौजले “विफल” पारेको र हाल त्यहाँ व्यापक सर्च अभियान थालिएको पनि उल्लेख छ।
मूल समाचारः माअ‍ोवादी छापामारहरुले खोटाङको सदरमुकाम दिक्तेलमा आइतबार राति आक्रमण गरेका छन्। सुरक्षाकर्मी र माअ‍ोवादीबीच राति साढे ११ बजेदेखि आज बिहानसम्म भिडन्त भएको बताइएको छ। घटनास्थलमा सात प्रहरीको शव बरामद भएको र करिब १२ प्रहरी बेपत्ता रहेको बताइएको छ। माअ‍ोवादीका दुई शव घटनास्थलमा फेला परेको बताइएको छ। माअ‍ोवादीहरुले सदरमुकामका विभिन्न सरकारी कार्यालयहरुमा आगजनी गरी जिल्लाका कारागारबाट करिब ६६ कैदीलाई छुटाएर लगेका छन्।
घटनास्थलतर्फ तप सुरक्षा बल पठाइसकिएको तर त्यहाँ सञ्चार सम्पर्क हुन नसकेको बताइएको छ। छिमेकी देश चीनको सिन्ह्‍वा समाचार समितिले यस सम्बन्धी समाचार सम्प्रेषण गरिसक्दा पनि सरकार नियन्त्रित नेपाल टेलिभिजनमा भने यससम्बन्धमा बिहान ११ बजेको समाचारमा कुनै समाचार दिइएको छैन। समाचारमा श्री ५ को भ्रमणलाई नै मुख्य समाचारका रुपमा प्रसारण गरिएको छ।
घटनास्थलतर्फ थप सुरक्षाबल पठाइसकिएको भए पनि सञ्चार सम्पर्क यी हरफ लेखिँदासम्म कायम हुननसकेकाले थप विवरण पाउन गार्‍हो भइरहेको बताइएको छ।
प्राप्त पछिल्लो समाचार अनुसार, माअ‍ोवादीहरुले जिल्ला प्रशासन कार्यालय, जिल्ला अदालत लगायत छ सरकारी भवनलाई बम विस्फोटन गराएर ध्वस्त पारेका छन्।
सात संसद्‍वादी दलहरुसित सहकार्य गर्न तयार रहेको र निशस्त्र व्यक्तिमाथि भौतिक आक्रमण नगर्ने भनी माअ‍ोवादी अध्यक्ष प्रचण्डले वक्तव्य जारी गरेकै दिन माअ‍ोवादीले यो आक्रमण गरेका हुन्। संसद्‍वादी दलहरुले माअ‍ोवादीलाई हिंसा त्यागी मूलधारको राजनीतिमा आउन आग्रह गरिरहेका छन्।

अमेरिकाबाट प्रकाशित हुने वासिङटन पोस्ट दैनिकमा आज एउटा रमाइलो समाचार प्रकाशित भएको छ। अमेरिकी राजदूत जेम्स एफ मोरिआर्टीले युवराज पारससित गल्फ खेलेपछि नेपालमा अमेरिकाको भूमिकाका बारेमा उठेको लामो विवादका बारेमा प्रकाशित यो समाचारलाई हेर्न यहाँ क्लिक गर्नुहोला।

हाम्रा मन्त्रिपरिषद्का उपाध्यक्ष डा. तुलसी गिरी एक करोड ७४ लाख ऋण तिर्न नसकेर कालो सूचि नं १६८० मा पर्नुभएको छ। उहाँको ऋणमोचनका लागि देशभर सुकामोहोर अभियान थालिएको छ। भिखारी समेतले २ रुपैयाँको अमूल्य सहयोग गरेका छन् उहाँका लागि। उहाँको ऋणमोचनका लागि सहयोग गर्न मैले पनि इन्टरनेटबाट चन्दा उठाउने अभियान सुरु गरेको हुँ। तपाईँ आफूलाई मनलागे जति सहयोग डा. गिरीका लागि गर्नसक्नुहुन्छ। इन्टरनेटबाटै सहयोग गर्नका लागि तलको लिंकमा क्लिक गर्न अनुरोध छ। आउनुस्, उपाध्यक्ष गिरीलाई बेइज्जत हुनबाट जोगाअ‍ौं। दान दिनुहोस्…….

२०६२ असार ३ शुक्रबार

इन्टरनेटमा जोक गरेर चर्चा पाउन चाहनेहरुको कमी छैन। शायद त्यस्तै एउटा उपाय हुनसक्छ यो। भयो के भने लिलामीका लागि विश्वप्रख्यात एउटा साइट इबेमा एक जनाले माइकल ज्याक्सनको अनुहार अकस्मात देखापरेको टोस्ट बिक्रीमा राखेका रहेछन्। यसै साता ज्याक्सनलाई अदालतले दोषी नभएको ठहर गरेकै बेला आफ्नो टोस्टमा त्यस्तो आकृति देखापरेको दाबी ती विक्रेताले गरेका छन्। मलाई जस्तै तपाईँलाई पनि यसको यो कुरामा पटक्कै विश्वास लागेन होला। तर के गर्नु, उनको त्यो बिक्रीमा राखिएको सामान हेर्न साइटमा भिजिटरहरुको अ‍ोइरो लागेको छ। यसअघि पनि एक महिलाले भर्जिन मेरीको आकृति टोस्टमा देखिएको दाबी गर्दै यही साइटमा बिक्रीका लागि राखेकी थिइन् र तपाईँ पत्याउनु हुन्छ, त्यो टोस्ट झण्डै २० लाख रुपैयामा बिकेको थियो !
त्यो मान्छेको हावा गफको अनुमान तपाईँ यसबाट पनि लगाउनसक्नुहुन्छ कि टोस्टमा माइकल ज्याक्सनको मात्र हैन, उनका वकील थमस मेसेरियुको पनि अनुहार देखापरेको रे। अनि ज्याक्सनको टोस्ट किन्नेलाई त्यो टोस्ट निःशुल्क दिइने रे।
वकीलको अनुहार देखिएको टोस्टको तस्वीर हेर्न यहाँ क्लिक गर्नुहोला।

२०६२ असार ३ शुक्रबार
सँधैको हिंसा, द्वन्द्व र भ्रष्टाचारका समाचारले भरिन्थ्यो नेपालसम्बन्धी समाचार विदेशी सञ्चारमाध्यममा। आज एउटा गौरव गर्न मिल्ने समाचार छाएको छ विदेशी सञ्चारमाध्यममा।
बेलायतको टाइम्स लगायत विश्वका अन्य प्रमुख पत्रिकाका अनलाइन संस्करणमा प्रकाशित समाचार अनुसार बेल्जियमका अनुसन्धानकर्ताहरुले गरेको अध्ययन अनुसार नेपालका भरियाहरु विशेष गरी शेर्पा, राई र तामाङ जातिका भरियाहरु विश्वकै सबैभन्दा बलिया हुन्छन् । डोकोले भारी बोक्ने उनीहरुको प्रविधि र शारीरिक क्षमताले यसो भएको हो। डोको प्रविधि हालसम्मकै सबैभन्दा उपयुक्त प्रविधि रहेको त्यसमा उल्लेख छ। यसैका कारण हाम्रा भरियाहरु आफ्नो वजनभन्दा बढी भारी बोक्न सक्छन्।
ब्रसेल्सको क्याथोलिक युनिभर्सिटी अफ लाउभेनका नर्मन हेग्लुन्डको नेतृत्वमा रहेको समूहले अध्ययनका क्रममा नाम्चे बजारमा आठ जना भरियासित विभिन्न परीक्षण गरेको थियो। उनीहरुले अ‍ौसत आफ्नो वजनको ९३ प्रतिशत भारी बोकेका थिए। एक जनाले १ सय २५ प्रतिशत बढी र अर्का एकले त झन् १ सय ८३ प्रतिशत बढी भारी बोकेका थिए रे। उता अफ्रिकाका किकुयु जातिले चाहिँ आफ्नो वजनको ६० प्रतिशत भारी मात्र बोक्न सक्ने रहेछन् । यो अध्ययनको परिणाम आजै साइन्स जर्नल मा प्रकाशित भएको हो। अमेरिकी सेनामा त वजनभन्दा १५ प्रतिशत बढी भारी बोक्न दिइँदैन। टाइम्समा प्रकाशित रिपोर्टलाई तपाईँ यहाँ क्लिक गरेर हेर्न सक्नुहुन्छ ।

२०६२ असार २ बिहीबार

अलौकिक अनुभूति अर्थात् यस लोकभन्दा परको अनुभूति । जीवनमा कहिलेकाहीँ हामी यस्ता घटनाको अनुभव गर्न पुग्छौँ, जसको वैज्ञानिक पुष्टि सम्भव हुँदैन । आत्मासँगको भेट, भूतप्रेतका घटना वा त्यस्तै कुनै असामान्य घटना जसको रहस्य तपाइँले आजसम्म खोतल्न सक्नुभएको छैन । यो साइट त्यस्तै घटना वा अनुभव संगाल्ने ठाउँ हो । साइट हेर्न यहाँ क्लिक गर्नुहोला।यो साइट मैले धेरै वर्षअगाडि बनाएको थिएँ। त्यतिबेला भर्खर युनिकोड निस्केको थियो र कस्तो होला भनी उत्सुकताले पनि मैले युनिकोडमा समेत यसलाई बनाएको थिएँ। त्यतिबेला नगरकोटमा भूतले मान्छे मार्‍यो भन्ने हल्ला चलेको थियो। यसमा त्यसको बारेमा पनि उल्लेख छ। जिअ‍ोसिटीजमा पाइने फ्री स्पेसको उपयोग गर्दै मैले यो साइट बनाएको थिएँ। त्यतिबेला जिअ‍ोसिटीजमा अहिले जस्तो छेउमा डिस्टर्बिङ विज्ञापन आउने गर्दैनथ्यो। अहिले त जिअ‍ोसिटीजमा बनाइएका साइट हेर्न सार्‍है झ्याउ हुन्छ। यो साइटलाई अरु फ्री सर्भरमा सार्नुपर्ने हो तर समय नै पाइरहेको छैन र मैले यसलाई खासै वास्ता पनि गरिरहेको छैन। त्यतिबेला थाहा नभएर साइटमा इमेल ठेगाना पनि राखिएको थियो। त्यसैले मेरो मेलमा स्पाम मेलहरुको भरमार हुन्छ अहिलेसम्म पनि। इमेल ठेगाना निकालुँला भनेको पनि जाँगर नै चल्दैन ।

२०६२ असार १ बुधबार
अहो, असार लागिसकेछ । असारै महिनामा…पानी परे रुझाउने….एक्लो यो मेरो मन….
अब पानी त परे पो रुझाउने। पानी नपरेको धेरै दिन भएर फेरि काठमाडौंमा गर्मी बढ्न थालेको छ। पानीको कुरा छाडेर अब लागौं गिरीको कुरातर्फ। उही क्या हाम्रा डा. गिरी। संविधानमा नभएको पद उपाध्यक्ष खाइरहेका गिरी। कालो सूची नं. १६८० का गिरी। कालो सूचीमा परेको खबर सार्वजनिक भएपछि गिरीलाई टेन्सन नै टेन्सन छ। पत्रिकाहरुले हाकाहाकी राजीनामा दे भनेर सम्पादकीय नै लेख्न थालेका छन्। तर हाम्रा गिरी किन झुक्थे? राजीनामा कसरी दिने ? जसले राखेको हो, उसैको काम हो नि निकाल्ने, कि कसो ? बेकारमा घाँटी र मसी सुकाउन छाड। बाँकी (more…)

२०६२ जेठ ३१ मंगलबार
त्यसो त सरकारी अधिकारीहरुले झुठो बोल्न नहुने हो, कुरा लुकाउन नहुने हो। तर यो त नेपाल पर्‍यो, अजब नेपाल गजब नेपाल। कुरा के भने अस्ति भर्खरैमात्र ठूलो तामझामका साथ पत्रकार सम्मेलन नै गरेर परीक्षा नियन्त्रक वीरेन्द्रकुमार सिंहले उत्तरपुस्तिकाहरु हराइरहेका हुनाले दुई साता नभई नतिजा प्रकाशित हुननसक्ने घोषणा गर्नुभएको थियो। तर दुई दिन पनि नबित्दै नतिजा अकस्मात सार्वजनिक भइहाल्यो। किन रे त्यसो गरेको भनेर सोध्दा पत्रकारहरुबाट बच्न त्यसो भनेको रे। क्या अचम्म बा, जनचासोको कुरालाई त्यसरी गलत सूचना दिएर दिग्भ्रमित पार्न पाइन्छ ? खै नैतिकता सरकारी अधिकारीको ? अब नेपालमा नैतिकताको कुरा खोज्ने कसले । चुपचाप बस्नु नै कल्याण। बाई दि वे सिंह ज्यु, तपाईँले जति कुरा लुकाउन खोजे पनि आखिर पत्रकारहरुले नतिजा प्रकाशित हुन लागेको थाहा पाइहाले क्यार । पत्रकारहरुमात्र किन हिजो त सर्वसाधारणले पनि थाहा पाइसकेका थिए। त्यसैले अर्कोपालादेखि यसरी झुठो बोलेर दुनियाँसामु बेइज्जत हुने काम नगर्नुस्, यसैमा भलाइ छ।

२०६२ जेठ ३१ मंगलबार
एसएलसीको नतिजा आज निस्कियो। तर परिणाम धेरै निराशाजनक छ। झण्डै ६२ प्रतिशत परीक्षार्थी अनुत्तीर्ण भएका छन्। अब यिनीहरुको भविष्य के त ? त्यसै पनि नेपाल द्वन्द्वमा पिल्सिरहेको छ। अब यत्राविधि १ लाख ३२ हजार ५५६ एसएलसी अनु्त्तीर्णहरुका लागि सरकारले बेलैमा केही गर्न सकेन भने उनीहरु बहकिने संभावना प्रवल हुन्छ। पोहोरभन्दा ५ प्रतिशतले उत्तीर्ण संख्या घटेको छ। नघटोस् पनि किन, पढाइको वातावरण नै कहाँ थियो र ! राजनीतिक अस्तव्यस्तताले गर्दा बिचराहरुले शैक्षिक वातावरण नै‍ पाएनन्। निजी र सरकारी विद्यालयको तुलना गर्ने हो भने त परिणाम झनै निराशाजनक हुन्छ। बोर्डमा आउने दुवै विद्यार्थी निजी विद्यालयकै हुन्।

२०६२ जेठ ३0
बाजी ठोकेर भन्छु यो ब्रेकिङ न्युज हो। अहिले मेरो घडीमा रातिको साढे ११ मात्र बज्दैछ र मेरो हातमा एसएलीको पूरा नतिजा हात परिसक्यो। एसएलसीको नतिजा राखिने भनिएको एनटीसीको साइट हेर्दै थिएँ। पहिलो पृष्ठमा नै एसएलसीको नतिजा चाँडै आउने भन्दै सूचना राखिएको रहेछ। त्यहाँ गएर हेर्दा http://www.ntc.net.np/slc/slc2061_soon.php भन्ने ठेगाना रहेछ। मैले पनि अलि चलाखी गरेँ र त्यो soon लाई हटाएर http://www.ntc.net.np/slc/slc2061.php मात्र राखेर हेरेँ। अनि त के छ र पूरा नतिजा हात परिहाल्यो नि। बिचरा पत्रकारहरु नतिजा घोषणा होला भनी सानो ठिमीमा रुंगिरहेका होलान् रातभर। पोहोर त दुई तीन बजे घोषणा गरेको थियो रे। तर कसले टप ल्याएको भन्ने चाहिँ यसबाट हेर्न नमिल्ने रहेछ। त्यो चाहिँ सानो ठिमीबाटै घोषणा हुन्छ होला। म त सुतेँ। सुत्नुअघि आधिकारिक घोषणा हुनुअघि नै मैले कमनसेन्स युज गरेर पत्ता लगाएको नतिजाका लिंकहरु
डिस्टिङ्कसन
पहिलो डिभिजन
दोस्रो डिभिजन
तेस्रो डिभिजन

रामः थाहा पायौ, ज्ञानेन्द्र आज कतार पुगे ।
श्यामः कुन म्यानपावरबाट गएको ?

२०६२ जेठ ३०, सोमबार
शीर्षकले तपाईँलाई आकर्षित गरेको हो भने सावधान। तपाईँको इमेलमा पनि यस्तै शीर्षक र व्यहोरा भएको इमेल आउन सक्छ। त्यो इमेलले थापेको पासोमा पर्नुभयो भने तपाईँको कम्प्युटरमा भाइरसले मोज गर्न थाल्छ। बाँकी (more…)

२०६१ जेठ २९, आइतबार
तपाईँ पैदल यात्रु हुनुहुन्छ वा साइकल चालक हुनुहुन्छ भन् तपाईँले अनुभव गर्नुभएको होला कति हेप्छन् हामीलाई अरु गाडी चलाउनेहरुले । हेपाइको मात्रा फरक हुन्छ । पजेरो चढ्नेले सार्‍है हेप्छन् त कार चढ्नेले त्यसको तुलनामा अलि कम । तर हेप्न चाहिँ हेप्छन् है मोटरसाइकल चढ्नेले पनि । ठूला गाडी ट्रक, बस चालकको पनि फूर्ति नै बढी हुन्छ ।
यस्तो हेपाइ हामीकहाँ मात्र हैन रहेछ, पश्चिमी देशमा पनि रहेछ । स्पेनमा पनि यस्तै हेपाइले दिक्क भएकाहरुले विरोध प्रदर्शन गरेछन् । विरोध प्रदर्शन पनि अचम्मको । हेर्नुस् त यहाँ गएर। र यहाँ गएर। उनीहरुले नांगै साइकल चलाएर विरोध गरेछन् । यस्तो विरोध प्रदर्शन एक ठाउँमा हो र, राजधानी म्याड्रिड, जारागोजा, पाम्प्लोना, बार्सिलोना र हुसेका गरी पाँच सहरमा एकै पटक भएको रहेछ । आरागोन साइक्लोन्युडिस्ट नामको समूहले यसको आयोजन गरेको रहेछ । उनीहरु साइकल चलाउनेहरुलाई क्र्यास हेल्मेट लगाउनु पर्ने नियम र कार चलाउनेहरुले गर्ने हेपाइको विरोध गर्दै थिए । पैदल यात्रु र साइकल चालकहरुलाई सडकमा बढी ठाउँ दिइ सहरलाई बढी मानवीय र बस्न लायक ठाउँ बनाउनु पर्ने उनीहरुको माग रहेछ । यसो गर्दा वातावरणलाई पनि फाइदा हुने उनीहरुको दाबी रहेछ ।
उनीहरुले जुलुससितै लगाएका नारा यस्ता थिए, ट्राफिकविरुध्द नाङ्गा एकता जिन्दाबाद जिन्दाबाद, यो सहर हाम्रै हो हाम्रै हो…………..

सेक्सी नेपाली- ५ (मेरो संसार विशेष)
२०६२ जेठ २८ शनिबार
नेपालीहरु यौनमा उदार हुँदै गइरहेका हुन् त ? उनीहरुको यौनसम्बन्धी सोचमा उदारपन आएकै हो त भन्ने विषयमा खोजबिन गर्दै जाने क्रममा इन्टरनेटमा एउटा अर्को साइट पनि भेटियो । सेक्रेट रिलेसनसीप नामको यो समूह गोप्य सम्बन्ध कायम गर्न खोज्ने नेपालीहरुको रहेछ । यो समूहको वेबपेजको अग्रभागमा समूहको परिचय दिँदै सञ्चालकले भनेका छन्, उही माया र जीवनबाट दिक्क हुनुहुन्छ ? तपाईँको खोजीको अन्त्य यहाँ हुनेछ । सदस्य बन्नुहोस् र मजा लिनुहोस् । यो समूहमा सामेल हुनुअघि सबैले शपथ लिनुपर्नेछ कि उनीहरु नेपालमा बस्छन् वा नेपाल आउनेछन् र गोप्य सम्बन्ध कायम गर्नेछन् । बाँकी (more…)