यस्तो पनि विरोध प्रदर्शन !
२०६१ जेठ २९, आइतबार
तपाईँ पैदल यात्रु हुनुहुन्छ वा साइकल चालक हुनुहुन्छ भन् तपाईँले अनुभव गर्नुभएको होला कति हेप्छन् हामीलाई अरु गाडी चलाउनेहरुले । हेपाइको मात्रा फरक हुन्छ । पजेरो चढ्नेले सार्है हेप्छन् त कार चढ्नेले त्यसको तुलनामा अलि कम । तर हेप्न चाहिँ हेप्छन् है मोटरसाइकल चढ्नेले पनि । ठूला गाडी ट्रक, बस चालकको पनि फूर्ति नै बढी हुन्छ ।
यस्तो हेपाइ हामीकहाँ मात्र हैन रहेछ, पश्चिमी देशमा पनि रहेछ । स्पेनमा पनि यस्तै हेपाइले दिक्क भएकाहरुले विरोध प्रदर्शन गरेछन् । विरोध प्रदर्शन पनि अचम्मको । हेर्नुस् त यहाँ गएर। र यहाँ गएर। उनीहरुले नांगै साइकल चलाएर विरोध गरेछन् । यस्तो विरोध प्रदर्शन एक ठाउँमा हो र, राजधानी म्याड्रिड, जारागोजा, पाम्प्लोना, बार्सिलोना र हुसेका गरी पाँच सहरमा एकै पटक भएको रहेछ । आरागोन साइक्लोन्युडिस्ट नामको समूहले यसको आयोजन गरेको रहेछ । उनीहरु साइकल चलाउनेहरुलाई क्र्यास हेल्मेट लगाउनु पर्ने नियम र कार चलाउनेहरुले गर्ने हेपाइको विरोध गर्दै थिए । पैदल यात्रु र साइकल चालकहरुलाई सडकमा बढी ठाउँ दिइ सहरलाई बढी मानवीय र बस्न लायक ठाउँ बनाउनु पर्ने उनीहरुको माग रहेछ । यसो गर्दा वातावरणलाई पनि फाइदा हुने उनीहरुको दाबी रहेछ ।
उनीहरुले जुलुससितै लगाएका नारा यस्ता थिए, ट्राफिकविरुध्द नाङ्गा एकता जिन्दाबाद जिन्दाबाद, यो सहर हाम्रै हो हाम्रै हो…………..
ho ho paschim Nepal tira pani parna kt haru nangai bhayera halo jotechhan re aba sahar hami kta haru le tesari protest garnu parchha….
Comment by Rabindra — June 12, 2005 @ 10:19 am