२०६२ साउन १६ आइतबार
राज्यविरुध्द अपराध गरेको अभियोगमा विद्यार्थी नेता गगन थापालाई आज बयानका लागि सरकारी वकीलको कार्यालयमा उपस्थित गराइयो। उहाँलाई जिल्ला न्यायाधिवक्ताले बयान लिएका थिए। कार्यालय परिसरमा कुरा गर्दै गगन थापाले के भने? सुन्नका लागि यहाँ क्लिक गर्नुहोला। उनले आफूलाई आस्थाको बन्दीको त कुरै छाडौं, अरु बन्दीसरह पनि सुविधा नदिइएको बताए। (more…)

२०६२ साउन १६ आइतबार
बलिउड अभिनेत्री मनीषा कोइरालाको दाबी गरिएको एउटा अश्लील भिडियो भारतमा तीव्रताका साथ फैलँदैछ। मोबाइलमार्फत् फैलिएको यस्तो भिडियोलाई इन्टरनेटमा राखी अझै फैलाउने काम भइरहेको छ। (more…)

२०६२ साउन १५ शनिबार
अमेरिकाबाट प्रकाशित हुने वासिङटन टाइम्स पत्रिकाको आजको अंकमा माअ‍ोवादी नेता बाबुराम भट्टराईको अन्तर्वार्ता प्रकाशित भएको छ। वासिङटन मै रहेका दक्षिण एसियाली मामिलासम्बन्धी विश्लेषक चित्र तिवारीले १० दिनअगाडि ईमेलमार्फत् यो अन्तर्वार्ता लिएका थिए। अन्तर्वार्तामा माअ‍ोवादी बहुदलीय लोकतान्त्रिक व्यवस्था अपनाउन तयार रहेकोमा विशेष जोड दिइएको छ। बाँकी (more…)

२०६२ साउन १४ शुक्रबार
काठमाडौंको शोभा भगवतिस्थित मसानघाटमा गएको हप्ता दरबारका शाह र राणा परिवारका धेरै मान्छे भेला भएर रातभर कुन्नि के पो गरेछन् रे। चारैतिर सेनाको कडा पहरा राखिएकाले के गरिएको हो भन्ने कुरा प्रष्टसित थाहा हुन गार्‍हो पर्ने नै भयो। बाँकी (more…)

२०६२ साउन १४ शुक्रबार
व्यवस्थापिका, कार्यपालिका र चौथौ अंग भनिने प्रेस जगतमा पनि संविधानको जादूमयी, जे गरे पनि, जसरी व्याख्या गरे पनि हुने धारा १२७ त लागिआएकै थियो, अब न्यायपालिकामा पनि यो धारा लागेको छ। राजाले नयाँ प्रधानन्यायाधीशको सिफारिश गर्नका लागि संवैधानिक परिषद्को बैठकको अध्यक्षता गर्न आजैबाट अवकाश प्राप्त गर्न लाग्नुभएका प्रधानन्यायाधीश हरिप्रसाद शर्मालाई आदेश बक्सेको छ। संवैधानिक परिषद्को बैठकको अध्यक्षता प्रधानमन्त्रीले गर्ने गर्छन्। अब देशमा प्रधानमन्त्री नै छैन त के गर्नु? यता ६५ वर्ष पुगेकाले वर्तमान प्रधानन्यायाधीश आजैबाट अवकाश प्राप्त गर्दै हुनुहुन्थ्यो। हिजो रातिसम्म पनि के गर्ने भन्ने अन्यौल कायमै थियो।
तर बिहान राजदरबार संवाद सचिवालयबाट आएको विज्ञप्तिले उही धारा १२७ प्रयोग गरी शर्मालाई नै परिषद्को बैठकको अध्यक्षता गर्न आदेश दिएको छ। यो धारा १२७ पनि गजब कै छ। धारा १२७ को जादूका बारेमा मैले पहिला पनि एउटा ब्लग लेखेको थिएँ। यहाँ छ, हेर्नुहोला।

२०६२ साउन १३ बिहीबार
लाग्छ, गगन थापालाई गिरफ्तार गरेर सरकारले अरिङ्गालको गोलामा हात राखेको छ। आज बिहानैदेखि काठमाडौंका प्रमुख क्याम्पसहरु अगाडिको वातावरण तनावग्रस्त भएको थियो। ढुंगामुढा, टायर बाल्ने अनि राजतन्त्रविरोधी चर्का नाराबाजी। यो क्रम अब दिनहुँ जारी रहने जस्तो देखिएको छ।

आन्दोलनरत आठ विद्यार्थी संगठनले घोषणा गरेको अ‍ौपचारिक कार्यक्रम अनुसार शुक्रबार त्रिभुवन विश्वविद्यालयका भाइस चान्सलरकहाँ डेलिगेसन जाने, आइतबार देशभर कालो झन्डासहित विरोध र्‍याली गर्ने, सोमबार देशभरका शैक्षिक संस्थामा कालो झन्डा फहराउने र शुक्रबार पुत्ला जलाइनेछ। बाँकी (more…)

वीर अस्पतालको अस्तव्यस्ततालाई सबैले देखेकै हो, सुनेकै हो। तर त्यो अस्पतालको मुर्दाघरमा एक महिला चार दिनदेखि उपचार नपाएर छट्पटिँदै गरेको एक्सक्लुसिभ दृश्य हिजो सहकर्मी दीपक पान्डे र चन्द्र विष्टले खिचेर प्रसारण गरेपछि हंगामा नै मच्चिएको छ। रिपोर्टका केही अंश भिडियोमा हेर्न यहाँ क्लिक गर्नुस्। बाँकी (more…)

२०६२ साउन १२ बुधबार
नेपालबाहिरका पाठकहरुका लागि नेपालका अडियो समाचार पनि ब्लगमार्फत् दिन परीक्षणस्वरुप मैले आज यी केही अडियो क्लिपहरु राखेको छु। यसमा सुझावको अपेक्षा राखेको छु। यी क्लिप म आफैले स्थलगत रुपमा संकलन गरेको भने हैन। विभिन्न स्रोतहरु (च्यानल नेपाल, कान्तिपुर टेलिभिजन, इमेज मेट्रो, नेपाल वन आदि) बाट यसलाई संकलन र सम्पादन गरेर मैले प्रस्तुत गरेको हुँ। बाँकी (more…)

२०६२ साउन १२ बुधबार
खुला रुपमा गगनभेदी गणतन्त्रवादी नारा लगाएर मकरतन्त्रलाई दर्‍हो चुनौति बनिरहेका विद्यार्थी नेता गगन थापालाई आज बिहान पुनः गिरफ्तार गरिएको छ। माघ १९ पछि लामो समयसम्म भूमिगत रही छापामार शैलीमा गिरफ्तार गरिएका थापालाई सर्वोच्चको आदेशबाट रिहा गरिएको थियो। गगनलाई अस्ति नागरिक समाजको विरोध प्रदर्शनका क्रममा भोटाहिटीमा देखेको थिएँ। उनी निकै जोस्सिएर चर्का नारा लगाउँदै थिए। (more…)

२०६२ साउन ११ मंगलबार
विघटित तेस्रो प्रतिनिधि सभा र राष्ट्रिय सभाका सदस्यहरुको संयुक्त बैठक अर्थात् सर्वसाधारणले भन्ने गरेको सडक संसद् आज सडकमा नभई वीरेन्द्र अन्तर्राष्ट्रिय सम्मेलन केन्द्रको भव्य सभा हलमा बस्यो। बाँकी (more…)

भ्रष्टाचार नियन्त्रण शाही आयोगले पूर्व प्रधानमन्त्री शेरबहादुर देउवा र तत्कालीन मन्त्री प्रकाशमान सिंहलाई मेलम्ची खानेपानी आयोजनामा भ्रष्टाचार गरेको ठहर गर्दै दुई वर्ष कैद र ४ करोड ५० लाख रुपैया जरिवानाको सजाय अहिले केही बेरअघि सुनाएको छ। (BREAKING NEWS on 3:43pm NST)
भ्रष्टाचार नियन्त्रण शाही आयोगले पूर्व प्रधानमन्त्री शेरबहादुर देउवा र तत्कालीन मन्त्री प्रकाशमान सिंहलाई मेलम्ची खानेपानी आयोजनामा भ्रष्टाचार गरेको ठहर गर्दै दुई वर्ष कैद र साढे ४ करोड रुपैयाँ जरिवाना र सोही बमोजिमको रकम बिगो असुल उपर गर्ने निर्णय अहिले केही बेरअघि सुनाएको छ।
तत्कालीन सचिव टीकादत्त निरौला र मेलम्ची आयोजनाका प्रमुख ध्रुवबहादुर श्रेष्ठलाई पनि सोही बराबरको रकम र बिगो असुल उपर गर्ने फैसला भएको छ।
फैसलाको विरोधमा प्रजातान्त्रिक काँग्रेसका कार्यकर्ताहरु आयोग परिसरमा भेला भएका छन्। त्यहाँ तनाव उत्पन्न भएको र झडप हुनसक्ने बताइएको छ। उहाँहरुलाई आजै जेल चलान गर्ने तयारी भइरहेको छ। देउवालाई गत वैशाख १४ गते मध्यरातमा उहाँकै निवासबाट र सिंहलाई पनि वैशाख ५ गते उहाँकै निवासबाट शाही आयोगले अनुसन्धानका लागि हिरासतमा लिएको हो। (Update: 415pm NST)
कुरा बुझ्दा शेरबहादुर देउवा, प्रकाशमान सिंह, टीकादत्त निरौला र ध्रुवबहादुर श्रेष्ठ प्रत्येकलाई कूल नौ करोड जरिवाना र दुई वर्ष कैदको फैसला भएको रहेछ। आयोजनाका इञ्जिनीयर दीपककुमार झा र ठेकेदार जीपछिरिङ लामालाई भने जनही एक वर्ष जेल सजाय र जरिवाना र बिगो गरी कूल साढे ४ करोड सजाय सुनाइएको रहेछ।

लोकतन्त्र र शान्तिया लागि नागरिक समाजको आह्वानमा सोमबार अपराह्न रत्नपार्कमा निषेधाज्ञा तोड्ने प्रयासलाई प्रहरीले असफल पार्‍यो। प्रहरीले पद्मरत्न तुलाधर, कृष्ण पहाडी, मल्ल के सुन्दरलगायत निषेधाज्ञा तोड्न खोज्ने दर्जनौं बुध्दिजीवीलाई गिरफ्तार गरेको छ। भिडियो क्लिप (919 kb) का लागि यहाँ क्लिक गर्नुस्। थप फोटोका लागि भित्र जानुहोला। (सबै फोटो र भिडियो मेरो आफ्नै)
अपडेटः गिरफ्तार सबै २६ जनालाई रातभर खोरमा राखी मंगलबार बिहान ९ बजे रिहा गरिएको छ।
(more…)

बलिउड अभिनेत्री मनीषा कोइरालाका पिता प्रकाश कोइराला मन्त्री रहेको वातावरण, विज्ञान तथा प्रविधि मन्त्रालयभित्र दिउँसै यौनकर्म हुनथालेको समाचार नेपालभाषाको दैनिक सन्ध्या टाइम्सले आज प्रकाशित गरेको छ। (more…)

मणी दाहालबाट
कुरा हिजैको हो, जीउडाल हेर्दा सुमो रेस्लर जस्ता देखिने हाम्रा शिक्षा तथा खेलकुद मन्त्री राधाकृष्ण मैनालीको खेलकुदको विषयमा जानकारी देखेर म कम्ती हैरानीमा परिनँ । नेपाल लन टेनिस संघले आयोजना गरेको पुरस्कार वितरण समारोहमा प्रमुख अतिथि पर्खी बस्दा होटलको लबीमा नेपालका एक से एक खेल पदाधिकारीहरुको जमघट भएको थियो । खेलकुद मन्त्रीजीको मुखबाट कुरा खुस्किहाल्यो, “हैन हो यो लङ्ग टेनिस कसरी खेलिन्छ हँ, टेबलमा खेलिन्छ हो?
परेन फसाद! नेपालको खेलकुदको प्रमुख जिम्मेवारी लिएर बसेको मानिसको खेलकुदको ज्ञानको दिवालियापन देखेर म त तीनछक्क परेँ। खेलकुद पदाधिकारीले सम्झाउन थाले, “हैन हजुर, यो लङ्ग टेनिस हैन, लन टेनिस हो” उनले अझ प्रष्ट पार्दै खेलकूद मन्त्रीलाई “यो टेबलमा हैन- भुइँमै खेलिन्छ” भनेर बुझाए। मन्त्रीजीले कति बुझ्नु भो थाहा छैन । तर एउटा कुरो चैं पक्कै बुझियो, नेपालका खेलकुदका ‘टाउके’ व्यक्तिको खेलकुदको जानकारीमा कति रहेछ! यस्ता मकरतन्त्रे मन्त्रीहरुले खेलकुदको कसरी विकास गर्लान्, तपाईँ आफै सोच्नुस्।

(सहकर्मी मणीले आफ्नै ब्लग हेलो नेपाल पनि चलाएका छन्)

२०६२ साउन १०, सोमबार

हरेक क्रियाको प्रतिक्रिया हुन्छ। प्रहरीले यसरी निहत्था व्यक्तिलाई लाठी वर्षाएर दमन गर्न थालेपछि जनता अब नजाग्लान् त? तस्वीरमा आइतबार पुल्चोकमा शाही आयोगको खारेजी माग गर्ने माथि भएको प्रहरी दमन। तस्वीर साभारः एपी
सात दलको आन्दोलन “काइते”, “डरछेरुवा” किसिमको भएको सबैले महसूस गरेकै हुन्। यहाँसम्म कि नेताहरुले पनि यसलाई स्वीकारेका छन्। तर अब बिस्तारै आन्दोलन चर्किने संकेत देखापरेको छ। विभिन्न क्षेत्रका बुध्दिजीवी र नागरिक समाजले आज सोमबार अपराह्न ४ बजे पहिलो पटक सरकारले घोषणा गरेको निषेधाज्ञा तोड्दै रत्नपार्कमा प्रदर्शन गर्ने भएका छन्। यसबीच मकरतन्त्रका प्रहरीले हिजो देउवाको रिहाइ र शाही आयोगको खारेजीको माग गर्दै प्रदर्शन गर्नेहरुमाथि निर्मम दमन गरेको छ। क्याम्पस-क्याम्पसमा राजतन्त्रविरोधी चर्का नारा लागिरहेका छन्। अनि विद्यार्थीहरुमाथि धरपकड पनि तीब्र भइरहेको छ। बाँकी (more…)

२०६२ साउन ९, आइतबार
न्युज इन्साइट नामको एक भारतीय वेब म्यागेजिनले श्री ५ युवराजधिराज पारस वीर विक्रम शाहदेवमाथि गम्भीर आक्षेप लगाउने खालको “तथाकथित” खुफिया रिपोर्ट सार्वजनिक गरेको छ। यो वेब म्यागेजिनले ६ जुलाई २००५ को मितिमा खुफिया (इन्टेलिजेन्स) रिपोर्ट र त्यसको भोलिपल्ट ७ जुलाई २००५ मा त्यो रिपोर्टको कमेन्ट्री प्रस्तुत गरेको छ। त्यसमा युवराज लागूपदार्थको अवैध व्यापारमा लागेको आरोप लगाउँदै अमेरिकी गुप्तचर एजेन्सी एफबीआई, भारतीय गुप्तचर एजेन्सी सीबीआईले त्यसबारेमा अनुसन्धान गरिरहेको दाबी गरिएको छ। बाँकी (more…)

रिपोर्टर्स विद्आउट बोर्डर्सको आरोप
२०६२ साउन ७ शुक्रबार

विश्वभर प्रेस तथा अभिव्यक्ति स्वतन्त्रताको वकालत गर्ने संस्था रिपोर्टर्स विद्आउट बोर्डर्स (आरएसएफ) ले माघ १९ को शाही घोषणापछि शाही सेनाबाट इन्टरनेटमा अभिव्यक्ति स्वतन्त्रताको लगातार उल्लंघन भइरहेकोमा चासो व्यक्त गर्दै बिहीबार एक वक्तव्य सार्वजनिक गरेको छ। वेबसाइटहरु ब्लक गर्ने, ब्लगरहरुलाई धम्क्याउने, डिस्कसन फोरमहरु बन्द गर्ने र इमेलमा निगरानी गर्ने काम भइरहेको आरएसएफले बताएको छ। बाँकी (more…)

२०६२ साउन ६ बिहीबार
डा. रोशनकुमार श्रेष्ठ जापानको सोसाइटी अफ हाइड्रोलोजी एन्ड वाटर रिसोर्सेजबाट वर्षेनी प्रदान गरिने यङ्ग अथर एक्सिलेन्ट पेपर अवार्ड २००५ बाट सम्मानित हुनुभएको जानकारी नेसोकाको इमेलबाट पाएँ। पहिलो पटक यो अवार्ड गैर जापानीलाई प्रदान गरिएको रहेछ। आउँदो अगस्त ४ तारिखका दिन एक समारोहबीच उहाँलाई यो अवार्ड प्रदान गरिँदै रहेछ। बधाई छ डा. रोशन जी तपाईँलाई। हामी सम्पूर्ण नेपाली तपाईँको यो उपलब्धिबाट गौरवान्वित भएका छौँ। उचित अवसर पाए हामी नेपाली पनि विश्वका कोही भन्दा कम छैनौं भनी तपाईँले देखाइदिनुभएको छ। डा. रोशन जीसित मेरो परिचय साइबर संसारमार्फत् उहाँ डा. हुनुभन्दा अगाडि नै भएको हो। उहाँले जापानको क्योटो विश्वविद्यालयबाट यसै वर्षमात्र सहरी तथा वातावरणीय इञ्जिनीयरिङमा पीएचडी गर्नुभएको हो। बाँकी (more…)

२०६२ साउन ५, बुधबार
आज मेरो इमेलमा आइपुगेको एउटा जोक पढेर निकै हाँसो लाग्यो। जोक पढेर यस्तोसित हाँसो उठेको पछिल्लो पटक कहिले हो, मैले भुलिसकेको छु। दोहोर्‍याइ तेहर्‍याइ जति पटक पढ्दा पनि अझै हाँसो उठ्छ मलाई। जोक पढ्न भित्र आउनु होला। बाँकी (more…)

दर्जनौं घाइते, आक्रोशित जमातद्वारा गाडी तोडफोड
२०६२ साउन ४, मंगलबार
आज राजधानीमा दल र विद्यार्थीहरुको कार्यक्रममा सुरक्षाकर्मीहरुले हस्तक्षेप गर्दा दर्जनौं घाइते भएका छन्। हस्तक्षेपको शुरुवात आज बिहान आठ बजे नयाँ बानेश्वरबाट भएको थियो। गत साता राष्ट्रवादी शिक्षाको विरोधमा राजपरिवारको तस्वीर छापिएका पाठ्यपुस्तक जलाउने क्रममा गिरफ्तार भएका विद्यार्थीहरुलाई रिहा गर्नुपर्ने माग गर्दै आज आठ विद्यार्थी संगठनले नयाँ बानेश्वरमा चक्काजाम गर्ने प्रयास गरेका थिए। तर प्रहरीले हस्तक्षेप गरी लाठीचार्ज गर्दा दर्जनौं घाइते भएका थिए। घाइते हुनेमा नेविसंघका वासु कोइराला, अखिलका रामकुमारी झाँक्री आदि रहेका छन्। सुरक्षाकर्मीले दोस्रो पटक दलहरुको विघटित प्रतिनिधिसभाका सदस्यहरुको बैठक बस्ने कार्यक्रममा हस्तक्षेप गरेका थिए। बाँकी (more…)

२०६२ साउन ४ मंगलबार
नेपालका एक टप ग्ल्यामर मोडल कोहिनूर सिंह चमकदमकको संसार छाडेर आनी बन्न पुगेकी छिन्। उनको नाम अब आनी लोसाङ डोल्मा रहन पुगेको छ। नेपालमा इन्टरनेटमा ग्ल्यामर फोटोग्राफी सुरु गर्ने पहिलो साइट साइबर नेपालकी पहिली ग्ल्यामर मोडल कोहिनूरले टेलिभिजनमा कार्यक्रम प्रस्तोताका साथै केही म्युजिक भिडियोहरुमा समेत काम गरेकी थिइन्। उनले काम गरेका म्युजिक भिडियोमा नवीन भट्टराईको “ए झरी”, “शायद तिमी नै हौ…. ” आदि छन्। साइबर नेपालले आनीसितको अन्तर्वार्ता पनि छापेको छ जसलाई तपाईँ यहाँ क्लिक गरी हेर्नसक्नुहुन्छ। अन्तर्वार्तामा उनले हालै एकपटक स्वयम्भुमा जाँदा दिनभर आफूलाई सरल र हलुका महसूस गरेपछि आनी बन्ने निर्णय गरेको बताएकी छिन्।

२०६२ साउन ३ गते, सोमबार
हिजो राष्ट्रिय चलचित्र महोत्सवको समापन समारोहको प्रत्यक्ष प्रसारण टेलिभिजनमा हेरियो। रहरले हेरेको हैन, बाध्यताले हेरेको। कस्तो बाध्यता भन्नुहोला, अब रिमोट आफ्नो हातमा नभएपछि अरुले जुन च्यानल राख्यो त्यही बाध्य भएर हेर्नु बाहेक अरु के विकल्प हुनसक्छ त? महोत्सवका क्रममा श्री ५ बाट भारतीय चलचित्रकर्मी देव आनन्दलाई सम्मान गरिबक्सेको थियो। तर देव आनन्दले हाम्रा राजाप्रति सार्वजनिक समारोहमा देखाएको व्यवहार भने मलाई चित्त बुझेन। बाँकी (more…)

सुरक्षामा ४ अर्ब, राजदरबारमा साढे २ करोड वृध्दि
२०६२ साउन १ गते, शनिबार
चार वर्ष भयो संसदमा बजेट भाषण नभएको। अध्यादेशबाट बजेट आउने त्यही परम्परालाई निरन्तरता दिँदै आज अर्थमन्त्री मधुकरशमशेर राणाले मकरतन्त्रको बजेट राष्ट्रिय योजना आयोगको सभाकक्षबाट सार्वजनिक गर्नुभयो। यसपालिको कूल बजेट १ खर्ब २६ अर्ब ८८ करोड ५१ लाखको रहेको छ। यसपटक सुरक्षा खर्चमा ४ अर्बको भारी वृध्दि गरिएको छ भने राजदरबारको खर्चमा साढे २ करोड वृध्दि गरिएको छ। राजदरबारको खर्चमा किन त्यस्तो रुचि भन्नुहोला। राजा नै अध्यक्ष भएको मन्त्रिपरिषद्ले बनाएको बजेटमा राजदरबारको खर्च के कति छुट्याइएको छ, चासो त हुने नै भयो। राजदरबारका लागि कूल ३५ करोड ५० लाख ७५ हजार बजेट छुट्याइएको छ जसमध्ये ३२ करोड २३ लाख ७५ हजार प्रशासन कार्य, मर्मत सुधार र सुरक्षाका लागि छुट्याइएको रहेछ भने राजा, रानी र राजपरिवारका सदस्यका लागि खर्च गर्नका लागि ३ करोड २७ लाख रकम बजेटले व्यवस्था गरेको छ। राजदरबारको कूल खर्च प्रति महिना झण्डै २ करोड ९६ लाखजति हुन आउने रहेछ भने प्रतिदिन राजदरबारका लागि झण्डै ९९ लाख खर्च हुने रहेछ। बजेट भाषणका क्रममा देखिएका, सुनिएका केही रमाइला कुराका लागि भित्र आउनुस्। बाँकी (more…)

सलमान खान र ऐश्वर्या रायबीचको फोन संवादको पूर्ण विवरण
२०६२ साउन १, शनिबार

बलिउड अभिनेता सलमान खान फेरि एक पटक विवादमा मुछिएका छन्। भारतीय पत्रिका हिन्दुस्तान टाइम्सले सलमान खान र ऐश्वर्या रायबीचको टेलिफोन संवाद सार्वजनिक गरेपछि यो विवाद उठेको हो। उक्त टेपमा सलमानले माफिया वर्ल्डका अनेकौं मान्छेको नाम लिँदै उनीहरुसित आफ्नो सम्पर्क भएको दाबी गरेका छन्। भारतीय टेलिभिजन च्यानलहरुमा यससम्बन्धी समाचार प्रसारण हुन थालेपछि बलिउड फिल्मको प्रभाव रहेको नेपालमा पनि यसबारेमा चर्चा हुन थालेका छन्। त्यसो त सलमानका वकीलले त्यो टेपमा भएको आवाज सलमानको नभएको र सस्तो लोकप्रियता हासिल गर्न त्यस्तो टेप सार्वजनिक गरिएको दाबी गरेका छन्। यहाँ मैले टेपमा भएका मुख्य बुँदालाई उतार गरेको छु। टेपमा भएका आवाज सुन्न चाहनुहुन्छ भने पनि तपाइँ डाउनलोड गर्नसक्नुहुन्छ। यसका लागि भित्र आउनुहोला। बाँकी (more…)

राजावादी, मण्डले र दलका विद्रोही नेताहरु समावेश
२०६२ असार ३०, बिहीबार
अन्ततः बहुचर्चित मन्त्रिपरिषद् पुनर्गठन आज रातिको साइट पारेर घोषणा गरिएको छ। यसअघि चर्चामा आएसरह राजावादी, दलका विद्रोही नेताहरु र मण्डलेको रुपमा जनमानसमा छवि बनाएकाहरुलाई मन्त्रिपरिषद्‍मा समावेश गरिएको छ।
सबैभन्दा मोज भएको छ सद्‍भावना पार्टीका अध्यक्ष बद्रीप्रसाद मण्डललाई। असोज १८ को शाही घोषणादेखि पटक-पटक बनेका सरकारहरुमा उनलाई मन्त्री बन्ने सौभाग्य प्राप्त भएको छ। मंगलबारमात्रै जनआस्था साप्ताहिकमा राजाले उनलाई राजनीतिमा नाटक गर्नुपर्छ भनेर भनेको समाचार छापिएको थियो र अन्ततः नाटकै जस्तो गरी फेरि उनलाई मन्त्री बनाइयो। वरियताक्रममा उनलाई उपाध्यक्षद्वयपछिको ठाउँ दिइएको छ। दिनु पनि पर्‍यो नि, उपप्रधानमन्त्री भइसकेको मान्छे। बाँकी (more…)

२०६२ असार ३०, बिहीबार
अनौठो बालकः टाउको मानवको शरीर सर्पको
- एउटा अनौठो बालक जन्मिएछ।
- जन्मनेबित्तिकै बोल्न थालेछ।
- उसको टाउको मानवको र शरीर सर्पको रहेछ।
- गाउँलेहरुले त्यसलाई मार्न खोजेछन् तर उसले मलाई नमार म कसैलाई हानी गर्दिनँ। बरु मातापितालाई धनी बनाएर जान्छु भनेछन्। छ महिनामा म आफै मर्छु भनेछन्। म रानीपोखरीमा गएर बस्छु भनेछन्।
- युवराज पारसले उनलाई गएर भेटिसकेछन् तर उनले भने राजालाई भेटने माग गरिरहेका रहेछन्………………..
तपाईँहरुलाई थाहै होला, नेपाललाई हल्लैहल्लाको देश भनेर चिनिन्छ। हल्लाका कारण यहाँ ऋतिक रोशन कान्ड मच्चिन्छ। हल्लैका कारण राजपरिवारलाई दरबारबाट बाहिर आएर जनतालाई “दर्शन” दिन बाध्य बनाइन्छ। महिलाले पाइन्ट लगाउन नपाउनेदेखि लिएर पुरुषले लामो कपाल पाल्न नपाउनेसम्मका हल्ला फैलिन्छ यहाँ। यस्तै हल्लाका क्रममा हाल काठमाडौंमा तीब्र रुपमा फैलिरहेको हल्लाका केही अंश हुन् माथिका वाक्य। बाँकी (more…)

स्थानः वीरेन्द्र अन्तराष्ट्रिय सम्मेलन केन्द्र, काठमाडौं
मितिः २०६२ असार २७ सोमबार
कार्यक्रमः राष्ट्रिय चलचित्र महोत्सव उद्‍घाटन समारोह
के गरिँदैछ? श्री ५ वडामहारानीलाई अ‍ौपचारिक कार्यक्रममा संभवतः पहिलो साष्टाङ्ग दण्डवत
थपडी मारेर हाँस्दै मनोरञ्जन गर्नेहरु को ? बायाँबाट क्रमशः सञ्चार सचिव लोकमानसिंह कार्की, सरकारको माइक अर्थात् प्रवक्ता सूचना तथा सञ्चारमन्त्री टंक ढकाल, चलचित्र विकास बोर्डका अध्यक्ष शम्भुजीत बाँस्कोटा, अंगरक्षक र चलचित्रकर्मी विष्णुगोपाल श्रेष्ठ। दण्डवत गर्ने चाहिँ प्रख्यात नायक हुन्। को हुन् उनी गेस गर्दै गर्नु। यो तस्वीरलाई ठूलो पारेर हेरेर चिन्न चाहनुहुन्छ भने यहाँ क्लिक गर्नुस्। उनको नामका लागि भित्र आउनुहोला। (more…)

माअ‍ोवादी अध्यक्ष प्रचण्डले सात राजनीतिक पार्टीलाई वार्ताका लागि आधिकारिक टोली गठन गरी आफूसित वार्ता गर्न आज जारी वक्तव्यमा आह्वान गर्नुभएको छ। वक्तव्यको पूर्ण पाठ भित्र छ। (more…)

२०६२ असार २७, सोमबार
यो शीर्षक छापेको छ आज प्रकाशित प्रतिष्ठित पत्रिका इन्टरनेसनल हेराल्ड ट्रिब्युनले। न्युयोर्क टाइम्सका सोमिनी सेन गुप्ताद्वारा लिखित उक्त समाचार फिचरको शीर्षकले नेपालमा पर्यटक आगमनमा असर पार्ने जस्तो देखिए पनि वास्तवमा फिचर भने त्यस्तो एकपक्षीय पनि छैन। सन्तुलित रुपमा यसले सकारात्मक नकारात्मक दुवै कुरा उजागर गरेको छ।
फिचरको सुरुवात २३ वर्षीया अस्ट्रेलियाली पर्यटक आम्बर म्यानर्सको नेपाल भ्रमणको अनुभवबाट गरिएको छ। काठमाडौं उपत्यका बाहिर जानुअघि उनलाई खुबसित तर्साइएछ, बाटोमा कतै माअ‍ोवादी छापामार भेटिए उनीहरुले जे भन्छन् त्यसै गर्नू। उनीहरुले बसबाट अ‍ोर्लन भने पनि अ‍ोर्लनू। किनकि उनीहरुले बस जलाए भने पनि तिमीलाई पहिला झर्न भन्नेछन्। यात्राका क्रममा उनले बाटोमा पाँचवटा बस जलेको अवस्थामा पनि देखिछिन्। ट्रेकिङको तेस्रो दिन उनले छापामारहरुलाई पनि भेट्छिन् तर उनले सोचेको जस्तै गरी हैन। बाँकी (more…)

२०६२ असार २७ सोमबार
मकरतन्त्रले यही वर्षभित्रमा नेपाल अधिराज्यका सबै नगरपालिकाहरुमा स्थानीय निकायको चुनाव गराउने घोषणा गरेको हुनाले कतै त्यही मतदान यही असार ३० गते बिहीबार हुन लागेको त हैन भनी तपाईँलाई भ्रम हुनसक्छ। तर हैन, मकरतन्त्रको मतदानको मिति तय भइसकेको छैन। यो मतदान त अलग किसिमको हो। मकरतन्त्रलाई चुनौति दिने किसिमको हो। समाचार प्रसारण गर्न पाउनुपर्ने मागका साथ आन्दोलनमा उत्रिएका एफएम रेडियोका पत्रकारहरुले आन्दोलनको एक शैलिका रुपमा असार ३० गते सरकारले एफएम रेडियोमाथि लगाएको रोक ठीक कि बेठीक भनेर मतदान गराउन लागेको हो। मतदानमा भाग लिइदिन स्वतन्त्र रेडियो बचाउ आन्दोलन केन्द्रीय संघर्ष समितिले सम्पूर्ण श्रोता, नागरिक समाज, वर्ग र क्षेत्रका नागरिकहरूमा अनुरोध गरेको छ। मेरो कुरा गर्नुहुन्छ भने म पक्कै जानेछु। किनभने माघ १९ यता मैले एफएम सुन्नै छाडेको छु। समाचार प्रसारण हुने बेलामा म समाचार कै लागि एफएम सुन्ने गर्थेँ। समितिको वक्तव्यको पूर्ण पाठका लागि भित्र आउनुहोला। बाँकी (more…)