गिरिजाले त्यसो भनेका हैनन् रे
अर्थात् उनले त्यसो भनेकै हुन्
२०६२ भदौ १ बुधबार
शहर बजारमा र विदेशका नेपालीबीच पनि गिरिजा बहुलाएको चर्चा छ। गगन थापा र नरहरि आचार्य रोयलिस्ट हुन् भनी गिरिजाले आरोप लगाएपछि यस्तो चर्चा चलेको हो। अझ त्यति मात्र हो र उनले त गणतन्त्रको कुरा राजासँग बार्गेनिङ गर्नका लागि मात्रै उठाइएको बताएछन्। ठूलो हल्लाखल्ला मच्चिएपछि खुस्केका गिरिजा कता लागेछन् कुन्नि तर अहिले केही बेर अगाडि हाम्रो कार्यालयमा आएको फ्याक्समा भने गिरिजाले त्यसो नभनेको लेखिएको रहेछ। अब तपाईँ सोच्नुस् वक्तव्य कसले पठाएको होला ? गिरिजाले ? हैन, पार्टी प्रवक्ताले ? त्यो पनि हैन। वक्तव्य त मोरङ जिल्ला सभापति अमृत अर्यालले जारी गरेका रहेछ्न्। उफ्…यत्रो संवेदनशील विषयमा वक्तव्य जारी गर्ने निकाय त्यही हो ? उक्त वक्तव्यमा पार्टी कार्यकर्ताहरुबीच निजी भेटघाट भएको र त्यसमा व्यक्ति विशेषमाथि कुनै आरोप लगाउने काम नभएको स्पष्ट पारिएको छ। गिरिजाको बारेमा अझै लामो कुरा लेख्नुछ तर त्यो केही समयपछि लेख्नेछु।
