गिरिजा काँग्रेसका सभापति निर्वाचित
२०६२ भदौ १६, बिहीबार@ 715 pm NST
नेपाली काँग्रेसको हाल जारी ११ अौं महाधिवेशनमा गिरिजाप्रसाद कोइराला अत्यधिक बहुमतका साथ विजयी हुनुभएको छ। प्राप्त समाचार अनुसार कोइरालाले १२१५ मत प्राप्त गरेका छन् भने गणतन्त्रवादी नेताका रुपमा परिचय बनाएका नरहरी आचार्यले १६५ मत मात्र प्राप्त गरेका छन्। कोइरालाको विजय सुनिश्चित नै भए पनि नरहरी आचार्यले ५०० को हाराहारीमा मत ल्याउँछ भन्नेहरु हाम्रै अफिसमा धेरै थिए। तर मैले भने ५०० भन्दा कम नै ल्याउँछ भनिरहेको थिएँ। यति कम मत ल्याउलान् भन्ने त मैले पनि सोचेको थिइनँ। केन्द्रीय सदस्यका १८ स्थानका लागि भएको निर्वाचनको मतगणना भइरहेको छ। यसको परिणाम राति १० बजेसम्ममा आउने बताइएको छ। १८ सदस्यका लागि ७८ जनाले उम्मेदवारी दिएका थिए।
