समयमा चुनाव गराउन गरिएको चलाखी
२०६२ भदौ २३, बिहीबार
तपाईँलाई कस्तो लाग्छ कुन्नि, मलाई त सरकारी समाचार एजेन्सी राससका समाचार नहेरी चित्तै बुझ्दैन। गजब-गजबका समाचार आउँछन् त्यहाँ। हिजोको रैति बन्न चाहनेहरुको नागरिक सभासम्बन्धी पनि त्यसमा समाचार आएको थियो, लामै। तर गोर्खापत्र बाहेक कसैले त्यसलाई छापेनन्। त्यो समाचारको अन्त्यमा सभामा महिलाहरुको उल्लेखनीय सहभागिता थियो भनेर लेखिएको देख्दा हाँसो फुत्कियो। ५०-१०० जना जति महिला थिए त्यहाँ, हिजो हेर्दा। हिजै एउटा अर्को समाचार पनि आएको थियो, निर्वाचनका बारेमा। तपाईँलाई थाहा हुँदै होला, राजाले नयाँ वर्षको भाषणमा यसै वर्षभित्र नगरपालिका निर्वाचन गराउने घोषणा गरेका थिए। अब यो वर्ष सकिन पनि सात महिनामात्रै बाँकी छ। भनेको कुरा नपुग्ने जस्तो भएपछि अहिले नै चलाखी गरिएको रहेछ। स्थानीय निकायको निर्वाचन कार्यविधि ऐनलाई अध्यादेशद्वारा संशोधन गरी जहिले जति पटकमा गरी चुनाव गराए पनि पहिलो पटक गराएको मितिमा नै सम्पन्न भएको मानिने व्यवस्था रहेछ। आउनुस् पहिला राससको समाचारलाई जस्ताको तस्तै पढौं, त्यसपछि यसको विश्लेषण गरौं— बाँकी (more…)
