तर सावधान हुनुस् है, पहिला कुरा राम्रोसँग बुझ्नुस्
२०६२ असोज १८ मंगलबार
नेपालीहरु अमेरिका जाने भनेपछि हुरुक्कै हुन्छन्। त्यस्ताका लागि एउटा आकर्षणको कुरा बनेको छ डीभी चिठ्ठा। फेरि डीभी भर्ने मौसम सुरु भएको छ। सन् २००७ को अमेरिकी डीभी चिट्ठा कार्यक्रमका लागि बुधबारदेखि दुई महिनाका लागि आवेदन खुला हुँदैछ। अमेरिकी राजदूतावासले सोमबार जारी गरेको प्रेस विज्ञप्ति अनुसार बुधबार अक्टोबर ५, २००५ (१९ असोज २०६२) बेलुका ९‍४५ बजे आवेदन लिने काम अनलाइनबाट सुरु भई आइतबार डिसेम्बर ४, २००५ (मंसिर १९, २०६२) बेलुकी १०४५ बजे अन्त हुनेछ।

डीभीसम्बन्धी कुरा राम्रोसँग नबुझेरै कतिपय मानिसहरु डीभी भर्ने गरिरहेका छन् जसका कारण उनीहरुले पछि ठूलो आर्थिक र मानसिक नोक्सानी बेहोर्नुपरिरहेको छ। पान पसलमा समेत एउटा कम्प्युटर राखेर डीभी आवेदन भराउनेहरुले डीभीलाई राफल चिठ्ठाजस्तो प्रचार गरिरहेका छन्। डीभी भनेको जो पायो त्यहीलाई पर्ने बित्तिकै अमेरिका बस्न भिसा पाइने चिठ्ठा हैन। यसका निश्चित प्रक्रिया छन्। डीभीका लागि परामर्श दिने नाममा हाल अधिराज्यभर च्याउसरह अनेकौं परामर्श सेवाहरु खुलेका छन्। उनीहरुले पनि सोझासादा जनतालाई दिग्भ्रमित पारिरहेका छन्। त्यसैले भिसाको लागि संयुक्त राज्य अमेरिकाको सरकारले कुनै पनि बाहिरी परामर्शदाताहरु नियुक्त नगर्ने जानकारी दिँदै दूतावासले कुनै पनि परामर्श सेवाहरू उपयोग नगर्न जोड दिएको छ। दूतावासको विज्ञप्तिमा भनिएको छ-कुनै परामर्शदाताले तपाईँको भिसा पाउने सम्भावना बढाउने आश्वासन दिन्छ भने उनीहरू सरासर झुठो बोलिरहेका छन् र उनीहरूले गर्न नसकिने कामको प्रतिज्ञा गरिरहेका छन्।

डीभी भर्न चाहनेहरुका लागि अमेरिकी दूतावासले जारी गरेको यो विज्ञप्ति जानकारीमूलक हुनेछ। कृपया यसलाई राम्रोसँग पढेर अरुलाई पनि यसबारेमा बुझाई ठगिनबाट बचौं र बचाउँ। विज्ञप्तिका लागि भित्र आउनुहोला। बाँकी (more…)

२०६२ असोज १७ सोमबार
बोलीको गोलीले ठोक्ने कवि अर्जुन पराजुलीले पछिल्लो साता कीर्तिपुरमा आयोजित नागरिक सभामा सुनाएको कविता हो यो। कविता पढ्नमा भन्दा सुन्नमा मजा छ। अझ देख्नमा मजा हुन्थ्यो। म तपाईँहरुलाई देखाउन त सक्दिन तर सुनाउन भने सक्छु। अर्जुन पराजुलीको कविता वाचन शैली पनि उनको कविता जत्तिकै जोशिलो र रोमाञ्चक हुने गर्छ। यसलाई सुन्नका लागि यहाँ क्लिक गर्नुस्। वा डाउनलोड गरी आफ्नो कम्प्युटरमा सेभ गर्न माथिको लिङ्कमा राइट क्लिक गरी सेभ टार्गेट एज गर्नुस्। [Size 701 KB Length 5:50 Format MP3]
कविताको लिखित स्वरुप हेर्न चाहनु हुन्छ भने भित्र आउनुहोला। बाँकी (more…)

२०६२ असोज १७ सोमबार
ठ्याक्कै एक हप्ताअघि कीर्तिपुरमा लोकतन्त्र र शान्तिका लागि नागरिक आन्दोलनको आयोजनामा भएको नागरिक सभामा सहभागी हजारौंलाई जुरुक्क जुरुक्क उचाल्ने प्रस्तुति थियो नन्दकृष्ण जोशीको लोकतान्त्रिक देउडा गायन। यो गीत गाइरहँदा त्यहाँ सबै झ्याम्म-झ्याम्म गरिरहेका थिए। छेउछाउका घर र बार्दलीमा बसिरहेकाहरु समेत ताली बजाउँदै झ्याम्म झ्याम्म गरिरहेका थिए। जोशीको शब्दमा झ्याम्म-झ्याम्मको अर्थ निरंकुशता अङ्गाल्न खोज्नेलाई सिस्नुले झ्याम-झ्याम दिएको रे। यो लोकतान्त्रिक देउडा सुन्नका लागि यहाँ क्लिक गर्नुस्। डाउनलोड गरेर पछि पनि सुन्न मिल्ने गरी राख्न चाहनुहुन्छ भने माथिको लिंकमा राइट क्लिक गरी सेभ टार्गेट एजमा जानुस्। [Size: 893 KB, Length 7:26 Format MP3] गीतका केही अंश लिखित रुपमा राखेको छु। त्यसका लागि भित्र पाल्नुस्। बाँकी (more…)