: : November : : 2005

November 8, 2005

राजा भन्छन्- इमान्दार बन

अझै पनि देशभक्ति कै राग अलाप्दै
२०६२ कात्तिक २३ बुधबार
[अपडेटः संविधान दिवसकै अवसर पारेर आज बिहान साढे ६ बजेदेखि १२ घण्टे सत्याग्रह कार्यक्रम आयोजना हुँदैछ नयाँ बानेश्वरमा। मानवअधिकारवादी संस्था, नागरिक समाज र राजनीतिक दलका नेता र कार्यकर्ता सहभागी हुनेछन् यसमा। हेरौं बिहान सबेरै उठ्न सके म पनि त्यता जाने विचारमा छु]

संविधान कहाँ छ खोज्नु पर्ने अवस्था आएको बेला आज कात्तिक २३ गते संविधान दिवसको उपलक्ष्यमा राजाले दिएको सन्देशमा संविधानको उद्देश्य प्राप्तिमा सबैलाई इमान्दार बन्न प्रेरणा देअ‍ोस् भनेर पशुपतिनाथसित कामना गरिएको छ। बहुदललाई राम्रोसँग हाँक्न नसकेकोले आतंकवाद बढेको भन्दै देशभक्ति कै पुरानो राग अलापिएको छ। सन्देशको पूर्ण विवरण पढ्न भित्र आउनुस्। (more…)

Comments (3)

कृष्ण पहाडी न्युयोर्कमा

Filed under: यता-उताबाट, भिडियो ब्लग

चर्चित मानवाधिकारवादी नेता विदेश भ्रमणका क्रममा हाल न्युयोर्कमा छन्। नोभेम्बर छ तारिखका दिन न्युयोर्कका ज्याक्सन हाइटस्थित सत्यनारायण मन्दिरमा नेपालीहरुबीच एक अन्तर्क्रिया कार्यक्रम भयो। अन्तर्क्रियामा बोल्दै पहाडीले राजतन्त्रको
भविष्य समाप्त भइसकेको बताउनु भयो। नेपालमा हुँदा पीतवस्त्रमात्र धारण गर्ने पहाडीले त्यहाँ पनि पीतवस्त्र छाड्नु भएको थिएन। तर यहाँभन्दा फरक उनी त्यहाँ सुटमा ठाँटिएका थिए। मेरो संसारलाई इमेलबाट प्राप्त पहाडीको सम्बोधनको सानो अंशको भिडियो हेर्न यहाँ क्लिक गर्नुहोला।

Comments (4)

सद्दामलाई चिठ्ठी “मेरो देशमा पनि निरंकुश सालिक खस्नेछ”

Filed under: यता-उताबाट

ए सद्दाम !
त्यहाँ तिम्रो देशमा जस्तै
अचेल मेरो देशमा पनि
एक थुप्रो हिटलरहरु
मानिसको सानो मुटु होइन
विशाल कुरुक्षेत्र जित्न लागि परेका छन् ।
सायद यी युद्वान्धहरुले
आस्थाको विशाल आकाशमा
युद्वको ताज जित्ने योद्वा भन्दा
प्रेमको प्रसाद बाँडने पूजारी
धेरै-धेरै माथि उठेको देखेका छैनन् ।
त्यहाँ तिम्रो देशमा
विश्वासको मस्जिद घाइते भएको जस्तै
अचेल मेरो देशमा पनि
दिन प्रतिदिन
निर्दोष जनतासँगै मानवता चोटग्रस्त छ र
ती बेकसूर मस्जिदहरुभित्र
पवित्र कुरान जले जस्तै
यहाँ संविधान डढ्दै छ । (more…)