२०६२ कात्तिक २३ बुधबार
बिहान साढे ६ बजेदेखि काठमाडौंको जाडोमा सयौं सत्याग्रहमा सामेल भए। कसैले जोर जबर्जस्ती गरेको थिएन उनीहरुलाई सत्याग्रहमा बस्न। तर यति धेरै सहभागिता थियो कि पक्कै त्यसले सरकारको सातो खाएको हुनुपर्छ। बिहानको साढे ६ बजे सुरु भएको सत्याग्रह साँझ साढे ६ बजे १२ घण्टापछि सम्पन्न भयो। (more…)
फिलिपिन्सबाट रित्तो हात मिस नेपाल फर्स्ट रनर अप शभोना फर्केको केही दिनपछि मिस नेपाल सुगरिका केसी सान्या, चीनतर्फ लागेकी छिन्- मिस वर्ल्डमा नेपालको प्रतिनिधित्व गर्न। सान्या लाग्नुअघि मंगलबार सुगरिकाले प्रेससँग भेटघाट गरेकी थिइन्। हाम्री मिस नेपालको आधिकारिक उमेर १९ वर्षमात्रै हो। मिस वर्ल्डको आधिकारिक साइटमा पनि त्यही लेखिएको छ। अब अरुले हामीलाई कति फटाहा भन्ने होलान् ! ५५ अौं मिस वर्ल्ड प्रतियोगिताको फाइनल चीनको सान्यामा डिसेम्बर १० मा हुँदैछ। नौ नोभेम्बर अर्थात् आजदेखि विश्वभरका सुन्दरीहरु त्यहाँ भेला हुनेछन्। मिस वर्ल्डको आधिकारिक साइटलाई दिएको अन्तर्वार्तामा विश्वको कुन ठाउँमा जान मन लागेको छ भनेर सोध्दा उनले अफ्रिकाको सहारा मरुभूमिको नाम लिएकी छिन्। (more…)
सूर्य चिह्न हात पार्ने दाउ
२०६२ कात्तिक २३, बुधबार
काठमाडौं महानगरपालिकाका पहिले निर्वाचित अनि पछि मनोनीत मेयर केशव स्थापितले आज मंगलबार आफ्नो प्रजा परिषद् पार्टी निर्वाचन आयोगमा दर्ता गराएका छन्। थापा सरकारको पालामा मनोनीत मेयर बनेका स्थापितले माअोवादीको धम्कीपछि राजीनामा दिएका थिए। अहिले पनि माअोवादीले निर्वाचनलाई ध्वस्त पार्ने धम्की दिएका छन् रे। उम्मेदवारहरुलाई पनि धम्की दिने होलान् पछि। धम्की आएपछि स्थापितले के गर्ने हुन्, त्यो चाहिँ हामी पछि नै हेरौं। अहिलेलाई केशव स्थापित एमालेको सूर्य चिह्न हात पार्ने दाउमा छन् रे। एमालेले नगरनिर्वाचनमा भाग नलिने भएपछि खाली हुने सूर्य चिह्नमा उनको आँखा परेको हो। ०४६ सालपछि नै उनी सूर्य चिह्नको प्रचारमा लागेका थिए। उता, निर्वाचन आयोगमा दल दर्ता गर्ने म्याद १० दिनमात्र बाँकी रहँदा मंगलबारसम्म जम्मा ११ दलमात्रै दर्ता भएका छन्, त्यसमा पनि सबै नामै नसुनेका दलहरु।
| S | M | T | W | T | F | S |
|---|---|---|---|---|---|---|
| « Oct | Dec » | |||||
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | |||
Get free blog up and running in minutes with Blogsome | Theme designs available here