राजाको निरंकुश शासनविरुध्द सडकमा आन्दोलन जारी नै छ, अब हामी साइबर संसारमा पनि आन्दोलन थाल्ने हो कि ?

अमेरिकी राष्ट्रपति जर्ज डब्लु बुस समर्थक र विरोधीहरुले प्रख्यात सर्च इञ्जिन गुगलको सहायतामा एउटा अनौठो युध्द लडेका थिए, जसलाई गुगलबम्बिङको संज्ञा दिइएको थियो। निरंकुशताका विरुध्द हामी पनि गुगलबम्बिङ गर्ने हैन त ? (more…)

सर्वोच्च अदालतमा संविधान, कानून र विवेकका अनुयायी होइन, दरबारका भक्तहरुलाई न्यायमूर्ति बनाउने प्रपञ्च चलिरहेको छ । यो खेलमा न्यायाधीश नियुक्तिका लागि सिफारिस गर्ने न्यायपरिषद् यतिबेला नराम्ररी फँसेको छ । दरबारको इच्छा र निर्देशनलाई र्टार्न नसक्ने तथा शाही सरकारका कानून मन्त्रीको योजनालाई पन्छाउन नसक्ने अध्यक्षका कारण न्यायपरिषदका विवेकशील सदस्य र कर्मचारी बिलखबन्दमा परेका छन्। त्यसैले मंगलबार परिषद्का सचिव काशीराज दाहाल प्रधानन्यायाधीश दिलिपकुमार पौडेलले खोज्दा सम्पर्कमा रहेनन्। (more…)

२०६२ पुस १३, बुधबार

राजा, दलहरु र माअ‍ोवादीले शक्ति देखाउने क्रम जारी छ। दलहरुले ठूल्ठूला सभा गरी शक्ति देखाएका थिए भने अब राजाले पनि माअ‍ोवादीको युध्दविराम भङ्ग हुने दिनदेखि नै पूर्वाञ्चलको भ्रमण गरी शक्ति प्रदर्शन गर्ने भएका छन्। (more…)

२०६२ पुस १२, मंगलबार
लोकतान्त्रिक आन्दोलनमा विदेशमा रहेका नेपालीहरुको पनि कम ठूलो भूमिका हुँदैन। नेपालमा ३०-४० हजार भेला भएर गर्ने प्रदर्शनले गर्न नसक्ने दबाब विदेशका ३००-४०० जनाको प्रदर्शनले गर्न सक्छ। नेपालका नेताहरुलाई पनि यो कुरा थाहा छ। विदेशका नेपालीहरुलाई पनि यो कुरा थाहा हुनसक्छ। कतिलाई भने आफ्नो शक्ति आफैलाई थाहा नभएको पनि हुनसक्छ। हामी नेपालमा बस्नेहरुले विदेशमा रहेका नेपालीहरुको गतिविधिका बारेमा धेरै कम जानकारी पाइरहेका छौँ। सबैभन्दा बढी प्रचार राष्ट्रसंघीय महासभाका क्रममा न्युयोर्कमा भएको प्रदर्शनको भएको थियो। तर, वासिङटन डीसीमा राजाको कदमको स्वागत गर्दै नेपालीहरुले गरेको प्रदर्शनलाई सगरमाथा टेलिभिजनको सहयोगमा नेपाल टेलिभिजनले ठूलो महत्त्वका साथ प्रसारण गरेको पनि हामीले हेरेका थियौं। यसबाहेक नेपालीहरुले विदेशमा लोकतान्त्रिक आन्दोलनको समर्थनमा गरेका कार्यक्रमहरुको त्यति प्रचार भएको मैले महसूस गरेको छैन। (more…)

२०६२ पुस ११ सोमबार
यो फोटो कहाँको हो चिन्नुभयो ? हो, यो खुल्लामञ्च हो जसलाई २०४६ सालको जनआन्दोलनमा शहीद हुनेहरुको स्मृतिमा शहीद मञ्च पनि नामाकरण गरिएको थियो। तर अब यो ऐतिहासिक स्थानको महत्त्वलाई समाप्त पारिएको छ। राजनीतिक वा अन्य ठूला खुला सभा समारोह हुने खुलामञ्च अब सडकमा परिणत भएको छ। (more…)

पटक-पटक पद मोहमा परी लोकतान्त्रिक आन्दोलनलाई कमजोर पार्दै आएको राजनीतिक दलका नेताहरुलाई प्रधानमन्त्रीको लोभ त्यागेर राष्ट्रपतिका लागि तयार रहन आठ विद्यार्थी संगठनले आग्रह गरेका छन । प्रतिगमन विरुद्ध सञ्चालित आन्दोलनले राजासँग मिलन बिन्दु बन्द गरेको भन्दै विद्यार्थी नेताहरुले राजतन्त्रको अन्त्यका लागि विद्यार्थीहरु टाउकोमा कफन बाँधेर आन्दोलनमा उत्रिइसकेको बताए । (more…)

नेपालमा भिडियो ब्लगको सुरुवात गर्ने पहिलो ब्लग मेरो संसारले अर्को नेपाली ब्लग ब्लगर नेपालसितको सहकार्यमा लोकतान्त्रिक आन्दोलनमा समाहित सबै पार्टीको प्रतिनिधित्व हुने गरी नेताहरुको विचार तपाईँहरुसमक्ष प्रस्तुत गर्ने लक्ष्य राखेको छ। यस क्रममा सुरुमा प्रजातान्त्रिक काँग्रेसका प्रवक्ता मिनेन्द्र रिजालको अन्तर्वार्ता प्रस्तुत गरेका थियौं। आज नेकपा एमालेका प्रवक्ता प्रदीप नेपाललाई प्रस्तुत गरेका छौं। भिडियो ब्लगको प्रमुख अंश हेर्नका लागि भित्र आउनुहोला। (more…)

नगर निर्वाचन ध्वस्त पार्न माअ‍ोवादीका शीर्ष नेता प्रचण्ड र बाबुराम भट्टराईले संयुक्त वक्तव्य निकालेकै दिन दुवैका आमाबुबा बिरामी भएर एउटै डाक्टरकहाँ उपचार गराउन गएको संयोग जुरेछ। देश हल्लाउने व्यक्तित्वका परिवार भए पनि उहाँहरुसित उपचार गर्न आर्थिक अभाव भएका कारण डाक्टरहरुले नै व्यवस्था गरिदिनु परेको समाचार छ। (more…)

२०६२ पुस ७, बिहीबार
दुई वर्षको मेहनतपछि लिनक्सको नेपाली संस्करण नेपालीनक्स सार्वजनिक त भयो, तर पाइरेटेड “झिल्के” सफ्टवेयर चलाउने बानी भएका हामीजस्ता मध्ये कतिले सोझो पाराको “लुक” देखिने यसको प्रयोग गर्लान् त ? आज आफ्नै कम्प्युटरमा नेपालीनक्स पहिलो पटक चलाएर हेर्दा यसप्रति रहेको उत्सुकता, जिज्ञासा एक घण्टामा नै धेरै हदसम्म हरायो र मेरो प्रारम्भिक निश्कर्ष रह्यो- नेपालीनक्स अहिलेको लागि मेरो लागि हैन। भविष्यमा सुधार भएपछि यसको प्रयोग गर्छु होला, तर अहिलेलाई बिल गेट्सले सरापे पनि पाइरेटेड माइक्रोसफ्ट विण्डोज नै म चलाउनेछु। (more…)

माअ‍ोवादीले सात दिन नेपाल बन्द गर्ने
२०६२ पुस ७, बिहीबार
आज प्रत्येक शान्तिप्रेमी नेपाली निराश होला। किनकि चार महिनाको तुलनात्मक शान्तिपछि अब नेपाल फेरि भयङ्कर द्वन्द्वको मारमा फँस्ने निश्चित छ। माअ‍ोवादीले सुरुमा तीन महिना र पछि एक महिना एकपक्षीय युध्दविराम गर्दा सरकारले कुनै प्रतिक्रिया दिएन। अब यो युध्दविराम सकिन १० दिनमात्रै बाँकी छँदा आज माअ‍ोवादीका तर्फबाट जारी विज्ञप्ति हेर्दा युध्दविराम भङ्ग हुने मात्रै हैन, नराम्रोसित नेपाल हिंसा-प्रतिहिंसाको चक्रमा फँस्ने देखिएको छ। यसका लागि सरकार धेरै हदसम्म दोषी छ। सरकारले शान्तिको प्रयासै गर्न चाहेन। दल-माअ‍ोवादीको ऐतिहासिक १२ बूँदे सम्झौतालाई अस्वीकार गर्‍यो र निर्वाचनको एकोहोरो रट लगाएर बस्यो। माअ‍ोवादीले आज जारी गरेको विज्ञप्तिमा घोषित निर्वाचनलाई असर पार्ने गरेर माघ २३ गतेदेखि २९ गतेसम्म सात दिन नेपाल बन्द गर्ने जस्तो कडा कार्यक्रम दिइएको छ। (more…)

२०६२ पुस ६, बुधबार
उपाध्यक्ष तुलसी गिरीको हिजोको प्रतिक्रिया त सुन्नु नै भयो होला। त्यो प्रतिक्रियाको प्रतिक्रिया आज प्रतिबिम्बित भएको छ। तुलसी गिरीलाई एउटा कुरामा भने मान्नै पर्छ। नबोलेसम्म उनी बोल्दैनन्, बोलेपछि देशै हल्लन्छ। उनको प्रतिक्रियालाई लिएर प्रतिक्रिया व्यक्त गर्ने नेताहरुका बारेमा यो पडकास्ट सुन्न यहाँ क्लिक गर्नुस्।

२०६२ पुस ६ बुधबार
राजाको निरंकुशताविरुध्द लडिरहेको नेपाली काँग्रेसको आफ्नै संगठनभित्र भने निरंकुशता हावी हुनु लज्जास्पद कुरा हो। यस्ता कुरालाई सुधार गर्नुको साटो झन् चर्काएर काँग्रेसले किन बेमौसमको जात्रा देखाइरहेको हो, बुझ्नै गार्‍हो छ बा। आन्दोलन चर्काउनु पर्नेमा आफैभित्रका विवाद चर्काएर कसलाई फाइदा होला ? सन्दर्भ नेविसंघको नेतृत्वको विवादको हो। पोखरामा महाधिवेशन भाँडिएको कुरा त जगजाहेरै छ। त्यसका दोषीलाई कारबाही गरी छिटो महाधिवेशन गर्नुको साटो आफ्ना आसेपासेलाई राखेर तदर्थ समिति बनाइयो। त्यसको विरोध गर्नेलाई अब कडा कारबाही गर्ने तयारी भइरहेको रहेछ। (more…)

२०६२ पुस ५ मंगलबार

नेपालको राजनीति स्पष्टसित दुई धारमा बाँडिएको छ र आज संयोगवश मैले दुवै धारका अतिवादको प्रतिनिधित्व गर्ने कुरा प्रत्यक्ष अनुभव गरेँ। पहिलो थियो उपाध्यक्ष तुलसी गिरीका यी भनाई। अनि अर्को थियो इन्टरनेटमा भेटिएको यो गीत।

सबैभन्दा पहिले पहिलो धारको प्रतिनिधित्व गर्ने तुलसी गिरीको कुरा गरौं। उनी माअ‍ोवादीलाई दमन नै गरेर सिध्याउनु पर्ने र राजाले अझै कठोर कदम चालेर सक्रिय शासन गर्नुपर्ने विचार राख्छन्। आज सूचना विभागमा आयोजित पत्रकार सम्मलेनमा उनले व्यक्त गरेको विचार राजावादीतर्फको अतिवादी खेमाको प्रतिनिधित्व गर्ने विचार हो। (more…)

२०६२ पुस ४, सोमबार
“दलहरु कार्यक्रम लिएर मेचीदेखि महाकालीसम्म घुम्ने, हामीले भने शान्तिपूर्ण सभा पनि गर्न नपाउने, हामीले चाहिँ के गर्ने त ? युध्दविराम मात्रै लम्ब्याइराख्ने ? भनेर माअ‍ोवादीहरुले हामीलाई सोध्छन्। हामीले उनीहरुलाई के जवाफ दिने ? ”
नागरिक समाजले आज आयोजना गरेको उपवासको कार्यक्रममा ऐक्यवध्दता जनाउन माइतिघर मण्डलामा पुगेका एमाले महासचिव माधवकुमार नेपालले नागरिक आन्दोलनका अगुवा डा देवेन्द्रराज पाण्डे लगायतकालाई गरेको प्रश्न हो यो। ऐक्यवध्दताका लागि त्यहाँ पुगेका नेपाल र नागरिक आन्दोलनका पाण्डे, कृष्ण पहाडीहरुबीच त्यहाँको चौरमा अनौपचारिक भलाकुसारी भएको थियो। त्यही अनौपचारिक कुराकानीको अनौपचारिक रुपमा खिचिएको भिडियो ब्लग हेर्नका लागि भित्र आउनुहोला। (more…)

डिसेम्बर १५ मा नयाँ बानेश्वरमा भएको सात दलको सभाका बाँकी भिडियो ब्लग प्रस्तुत गर्ने क्रममा आज दुई वटा भिडियो ब्लग यहाँ राखेको छु। यसका लागि भित्र आउनुहोला। (more…)

२०६२ पुस ३ आइतबार

ब्लगरहरुको विश्वव्यापी सञ्जाल कति व्यापक छ भन्ने कुरा आज मैले बुझेँ। आज मेल चेक गर्दै जाँदा कमिटी टु प्रोटेक्ट ब्लगर्सका डाइरेक्टर कर्ट हप्किन्सको मेल देखेँ। झण्डै स्पाम मेल भनेर डिलिट गर्न लागेको थिएँ। उनले भर्खरै ममाथि भएको आक्रमणको बारेमा कहाँबाट हो खबर पाएछन् र त्यसका बारेमा जानकारी दिन अनुरोध गरेका थिए। मैले केही कुरा लेखेर पठाएँ। त्यसको केही घण्टामा नै कमिटी टु प्रोटेक्ट ब्लगर्सको वेबसाइटमा मेरो संसारमाथि भएको आक्रमणको बारेमा Nepali Blogger Attacked By Royalists शीर्षकमा समाचार प्रकाशित भइसकेछ। उनले मलाई निरन्तर सम्पर्कमा रहन र भएका कुनै पनि दुर्व्यवहारका बारेमा तत्काल खबर गर्न पनि भनेका छन्। यो नैतिक समर्थनका लागि मेरो संसार कमिटी टु प्रोटेक्ट ब्लगर्सप्रति कृतज्ञ छ।

२०६२ पुस ३ आइतबार
हिजोको चुटाइले होला, जिउ निकै दुखेको छ। त्यसैले शनिबार दिनभर सुतेर बसेँ। टाउकोमा दुखेको भने केही कम भएको छ। अहिले छुँदामात्र दुख्छ। पूरा जिउ र खुट्टा पनि दुखिरहेको छ। खुट्टामा पनि उनीहरुले हानेको अहिले आएर सम्झिरहेको छु। हिजो राति सुत्नै सकिनँ- त्यही चारैतिरबाट घेरिएर कुटिएको र आफू निरीह बनेकोमात्र आँखामा आइरह्यो। बिगारिएको क्यामेरा देख्दा पनि मन चसक्क हुने गर्छ। मेरो दुःखमा साथ दिनुभएकोमा र नैतिक र आर्थिक सहयोग गर्ने, गर्ने प्रतिवध्दता जनाउने सबैलाई धन्यवाद छ। केहीले भने तैँले चुटाइ-सुटाइ केही खाएको हैन, पैसा कमाउन नाटक गरेको हो भनेर समेत लेखे। त्यस्तो लेख्नेहरुमा विद्वान भनाउँदा पाठकहरुसमेत थिए। मानवीय संवेदनाको समेत ख्याल राख्न नसक्ने उनीहरुलाई म धन्यवाद बाहेक अरु के भनौं होला ! अहिले म यहाँ सात दलको आमसभाका दुई वटा भिडियो ब्लग प्रस्तुत गर्दैछु। हुन त यी भिडियो ब्लग यसअघि नै गर्नु पर्ने हो। तर समय र परिस्थिति नै त्यस्तै पर्‍यो। भिडियो हेर्न भित्र आउनुहोला। (more…)

२०६२ पुस १ शुक्रबार
[अपडेटः आज खिचेका भिडियोबाट बनाइएका तीन भिडियो ब्लगहरु भित्र राखेको छु]
आज एउटा डरलाग्दो अनुभवबाट गुज्रिएँ। उफ् …..! सोच्दै डरलाग्छ…..चारैतिर मण्डले र गुण्डाहरुले मलाई घेरिरहेका अनि जथाभावी बोल्दै क्यामेरा खोस्न खोजिरहेका…! बीचमा म एक्लै ! उनीहरुले मलाई टाउकोमा काठले प्रहार गरे…कञ्चटमा हाने….भूइँमा लडाएर लात्तिले दिए….उफ्…! ज्यादै डरलाग्दो अनुभव थियो त्यो। अहिले यी शब्द लेखिरहँदा पनि टाउको र कञ्चटमा पीडा भइरहेको छ।

….चर्का नारा लगाउँदै गएका आन्दोलनकारीहरुमाथि उनीहरुले एक्कासी ढुंगाले आक्रमण गरे। त्यसपछि आन्दोलनकारीहरु तितरबितर भए। तितरबितर भएपछि ती मण्डले गुण्डाहरुले छानी-छानी उनीहरुलाई कुट्न थाले। कुटाइ पनि निकै डरलाग्दो। काठको ठूलो क्रिकेट ब्याट जस्तोले भूइँमा लडाएर ड्याम्म ड्याम्म। अनि एक जनाले त बडेमानको ढुंगा बजारेको पनि देखियो। दुई जनालाई त मेरै अगाडि ढालेका थिए। (more…)

२०६२ पुस १, शुक्रबार
नगरकोट कान्डको यस फोटो फिचरमा ज्यादै विभत्स खालका फोटोहरु पनि रहेकोले तपाईँलाई पहिले नै सचेत गराइन्छ। यदि तपाईँ विभत्स फोटोहरु हेर्नसक्नु हुन्न भने भित्र प्रवेश नगरेकै वेश। (more…)

२०६२ पुस १, शुक्रबार

मध्यरातको १२ बजिसकेकोले मैले डेटलाइनमा पुस १ लेखेको हुँ। तर ननिदाएसम्म दिनभरका घटनालाई आज नै मान्ने मेरो आफ्नै सिध्दान्त रहेको छ। त्यसैले लेख्दा भने आज नै लेख्दैछु। आज सात दलको सभा छ भन्नेबित्तिकै मैले डिसेम्बर २ को एमालेको जनसभामा उर्लिएको जनसागर सम्झिएको थिएँ र सोचेको थिएँ- एउटा पार्टीले गर्दा त त्यत्रो मान्छे थियो भने झन् सात-सात वटा दलले गर्दा कति मान्छे होलान्…… (more…)

२०६२ मंसिर ३०, बिहीबार
नगरकोटमा भएको हत्याकान्डका कारण आज नयाँ बानेश्वरमा भएको सात दलको सभामा पूरै त्यही विषय छायो। सभाका सबै वक्ताहरुले हत्याकान्डको विरोध गरेका थिए। यस क्रममा मैले यहाँ केही भिडियो ब्लगहरु प्रस्तुत गर्नेछु। यो पहिलो भिडियोमा हत्याकान्डमा ज्यान गुमाएकाहरुको फोटो, नयाँ बानेश्वरमा सभापछि भएको तनाव र लाठिचार्ज र सभामा उपत्यका बन्दको घोषणा अनि केही नेताहरुका भाषण छन्। यसैबीच भक्तपुरका सरकारी कार्यालयहरुमा तोडफोड र आगजनीसमेत भएको खबर छ।

चौथो भिडियोः यसमा घटनाका प्रत्यक्षदर्शीहरुको कुरा छ। हेर्न यहाँ क्लिक गर्नुस्।

तेस्रो भिडियोः केटिभीका दीपक भट्टराईले नगरकोट कान्डका सम्बन्धमा तयार पारेको रिपोर्ट। हेर्न यहाँ क्लिक गर्नुहोला।

दोस्रो भिडियोः यसमा भक्तपुरका सरकारी कार्यालयमा भएका आगजनीका दृश्य छन्। हेर्न यहाँ क्लिक गर्नुस्।

पहिलो भिडियोका लागि भित्र आउनुहोला। (more…)

भोलि उपत्यका बन्द

२०६२ मंसिर ३० बिहीबार
नगरकोटमा सेनाले एक दर्जन सर्वसाधारणको हत्या गरेपछि भक्तपुरसहित सिङ्गो राजधानी तनावग्रस्त बनेको छ। काठमाडौंको गल्ली-गल्लीमा नगरकोट कान्डको चर्चा चलिरहेको छ। सेनाले यो घटनामा सिङ्गो सेनालाई नमुछ्न आग्रह गर्दै आज पत्रकार सम्मेलनको आयोजना गरेको छ। तर आन्दोलनरत सात दलले भोलि यही घटनाको विरोधमा उपत्यका बन्दको आयोजना गरेका छन्। भक्तपुर त आजै बन्द जस्तै थियो। सात दलद्वारा आयोजित सभामा एमाले महासचिव माधव नेपालले यस घटनाको जिम्मेवारी लिँदै प्रधानमन्त्री र रक्षामन्त्रीले राजीनामा दिनुपर्ने माग गरेका थिए। काँग्रेस सभापति गिरिजाप्रसाद कोइरालाले नगरकोट हत्याकान्डबाट सरकार प्रमुखमाथि लागेको दाग जस्तोसुकै सर्फले पनि नधुने बताउनु भयो। सभा सकाएर फर्किरहेका उत्तेजित युवाहरुका कारण त्यहाँ एकछिन तनाव उत्पन्न भएको थियो। प्रहरीले एकछिन त्यहाँ लाठिचार्ज समेत गरेको थियो भने ढुंगामुढामा केही गाडीका शिशासमेत फुटेका थिए। के भएको थियो त नगरकोटमा ? मानवअधिकारवादीहरुको एक टोलीले गरेको स्थलगत अध्ययनको प्रतिवेदन हेर्न भित्र आउनुहोला। (more…)

२०६२ मंसिर ३० बिहीबार @ 1130 am NST
शान्ति कायम गर्न भनी ब्यारेकबाट निकालिएको सेना अनियन्त्रित भएपछि कसरी अशान्तिको मूल कारक बन्छ भनी गएराति नगरकोटमा भएको घटनाले प्रष्ट पारेको छ। यसले देश डरलाग्दो सैनिकीकरणप्रति उन्मुख भइरहेको पनि संकेत गरेको छ। नगरकोटको घटनासम्बन्धी जानकारी पाएपछि मैले भर्खरै त्यहाँ पुगेका एक पत्रकारसित मोबाइलमा सम्पर्क गरेको थिएँ। उनी अहिले लाश राखिएको भक्तपुर क्यान्सर अस्पतालमा रहेछन्। त्यहाँ अहिले स्थानीय बासिन्दासहितको ठूलो भीड लागेको रहेछ। उनले दिएको जानकारी अनुसार नगरकोटको चुनदेवी मन्दिरमा हिजोको दिन रातभर मेला लाग्ने रहेछ। हिजो त्यस्तै मेला लागिरहेको बेलामा एक सैनिकले एउटी युवतीलाई दुर्व्यवहार गर्न पुगेछन्। जाँड खाएका थिए रे ती सैनिकले। त्यसपछि स्थानीय बासिन्दाहरुले त्यसलाई पिटपाट गरेछन्। (more…)

२०६२ मंसिर २९ बुधबार
डिसेम्बर १० विश्व मानवअधिकार दिवसका दिन भएको कार्यक्रमका भिडियो ब्लग प्रस्तुत गर्ने क्रम आज यी दुई वटा भिडियो ब्लग प्रस्तुत गरिसकेपछि टुंगिनेछ। भोलि सात दलले अर्कै कार्यक्रम गर्ने भएकोले पनि आज यो क्रमलाई टुंग्याउन जरुरी थियो। तर भिडियो एडिटिङ र अपलोड गर्ने काम सार्‍है समय खाने र झण्झटिलो छ। जस्तो खिचेको हो, त्यस्तै अपलोड गर्दा साइज ठूलो हुने भएकोले इन्टरनेटमा राख्न साइज कम पार्नु पर्छ। त्यसका लागि समय लिन्छ। अनि अपलोड अर्को गार्‍हो काम हो। भर्खर एक घण्टाभन्दा बढी समय लगाएर युट्युबमा अपलोड गर्दा अन्तिममा आएर एरर भनेर देखाएपछि सबै काम खेर गयो। अनि फेरि अर्को ठाउँमा गर्नु पर्‍यो। यी भिडियो ब्लग हेर्दा जति सजिलै हेर्न सकिन्छ, त्यसका पछाडि निकै मेहनत रहेको हुन्छ, खिच्ने, एडिटिङ गर्ने अनि अपलोड गर्ने र ब्लगमा पोस्ट गर्ने। त्यसैले हो कि नेपालमा अरु कसैले भिडियो ब्लग गरेका छैनन्।
आज यहाँ दुई वटा भिडियो ब्लग रहेका छन्। एउटामा चर्का नारा छन् भने अर्कोमा दोहोरी। यसलाई तपाईँले तलको अर्को ब्लगमा सारांशमा पनि हेर्नुभएको होला। तर यसमा त्यसमा नभएका पूर्ण दृश्यहरु छन्। (more…)

२०६२ मंसिर २८, मंगलबार
नेपाली सञ्चार माध्यमहरुमा पनि ब्लगको विषयमा बिस्तारै चर्चा हुन थालेको छ। सूचनाको वैकल्पिक स्रोतका रुपमा ब्लग साइटहरुलाई स्वीकार गर्न थालिएको छ। यसै क्रममा आज मेट्रो एफएमको आईटी सम्बन्धी एउटा कार्यक्रममा ब्लग साइटहरुलाई मुख्य विषयवस्तु बनाई कार्यक्रम प्रसारण भएको थियो। त्यसमा मेरो संसारको बारेमा पनि चर्चा भएको थियो र मेरो पनि टेलिफोनबाट प्रत्यक्ष अन्तर्वार्ता लिइएको थियो। यो मेरो दोस्रो अन्तर्वार्ता थियो। यसअघि कान्तिपुर टेलिभिजनमा मेरो सानो बाइट प्रसारण भएको थियो।
बिहान अचानक ब्लगसम्बन्धी इन्टरभ्यु दिनुपर्‍यो भनेर फोन आउँदा पहिला त छक्कै परेँ। कस्तो खालको इन्टरभ्यु भनेर सोध्दा इन्फर्मल कुरा हो भने पछि कुरा गर्न राजी भएँ। उसले सवा १२ मा कल गर्छु भनेर फोन राख्यो। म भने कस्तो कार्यक्रम रहेछ यो भन्दै रेडियोमा मेट्रो एफएम ट्युन गर्न थालेँ। एफएम सुन्ने बानी हराइसकेको छ आजभोलि मेरो। यसमा शाही सरकारको पनि कृपा छ। एफएममा सुन्ने भनेकै न्युज हो मैले। त्यो पनि कहिले बन्द हुने, कहिले खुला हुने भएपछि एफएममा समाचार सुन्ने बानी पनि हराइसकेको छ। त्यसैले मेट्रो एफएम खोज्नै गार्‍हो पर्‍यो। बल्ल बल्ल भेट्टाएँ। (more…)

डिसेम्बर १० अन्तर्राष्ट्रिय मानवअधिकार दिवसको दिन खिचिएका भिडियोका ब्लग प्रस्तुत गर्दै जाने क्रममा आज प्रदर्शनमा भएका प्रहरी दमनको भिडियो प्रस्तुत गरेको छु। यसका केही अंश तपाईँले तलको मुख्य अंशमा पनि देखिसक्नुभएको छ। तर यसमा भने सबै भिडियो राखिएको छ। यसमा शान्तिपूर्ण प्रदर्शनलाई रोक्न प्रहरीले पानीको फोहोरा प्रहार गरेको, लखेटेको, धरपकड गरेको (रिपोर्टिङमा आएका एक पत्रकारलाई समेत तानातान गरेको पनि देखिन्छ) र नाराबाजी सुनिन्छ। त्यसबेलासम्म चर्का नारा लागेका थिएनन्। चर्का नारा त्यसपछि लागेका थिए। चर्का नाराहरुको भिडियो ब्लग पनि केही समयपछि प्रस्तुत गर्नेछु। कृपया भिडियो तपाईँले हेर्नसक्नुभएको छ कि छैन, केही समस्या छन् कि प्रतिक्रियामा लेख्नुहोला। भिडियो हेर्न भित्र आउनुहोला। (more…)

२०६२ मंसिर २८ मंगलबार
नेपालमा पहिलो भिडियो ब्लगरका रुपमा मेरो संसारले सुरु गरेको कामलाई अझै व्यापकता दिन ब्लगर नेपालसँगको सहकार्य हिजोदेखि अ‍ौपचारिक रुपमा कार्यान्वयन भएको छ। पत्रकारिताको क्रममा म सँधै डेस्कमा रहने हुनाले बाहिर मेरो त्यति सम्पर्क हुँदैन थियो। ब्लग गर्न थालेपछि मात्रै म रिपोर्टिङका लागि बाहिरतिर हिँड्न थालेको हुँ। ब्लगर नेपालका केपी भने राजनीतिलाई नै बिट बनाएर पत्रकारिता गरिरहेको मान्छे। उसले सुरु गर्ने भनेको राजनीतिक नेताहरुको अन्तर्वार्ताको भिडियो ब्लगका लागि मैले आफूसँग भएको क्यामेरा र भिडियो एडिटिङसम्बन्धी थोरै ज्ञानले सहयोग मात्र गरेको हुँ। यस क्रममा हिजो सोमबार हामी नेपाली काँग्रेस (प्रजातान्त्रिक) का प्रवक्ता मिनेन्द्र रिजालसित अन्तर्वार्ता लिन बानेश्वरको एपेक्स कलेजमा पुगेका थियौं। निर्धारित समयभन्दा केही ढिला हाम्रो अन्तर्वार्ता सुरु भयो। ३० मिनेटभन्दा अलि लामो यो भिडियो ब्लगलाई मैले दुई भागमा विभाजन गरेको छु। त्यसलाई हेर्नभित्र आउनु होला। (more…)

डिसेम्बर १० मानवअधिकार दिवसका दिन खिचिएका भिडियोहरुको भिडियो ब्लगका तीन शृङ्खालामध्ये १५ मिनेटभन्दा लामो यो पहिलो शृङ्खलामा र्‍याली र सभाका दृश्य समेटिएका छन्। दोस्रो र तेस्रो शृङ्खला पनि चाँडै नै राख्दैछु। पहिलो शृङ्खला हेर्न भित्र आउनुहोला। (more…)

डिसेम्बर २ मानवअधिकार दिवसको दिन भएको कार्यक्रममा खिचेका विभिन्न भिडियोहरुबाट केही दृश्यहरुको छनौट गरी मैले दिनभरको घटना सारांशमा देखाउन यो भिडियो ब्लग बनाएको हुँ। यसमा तपाईँले सुरुमा त्रिपुरेश्वरबाट निस्केको र्‍याली, बसन्तपुरमा भएको सभा, त्यसपछि भोटाहिटीबाट रत्नपार्कमा निषेधित क्षेत्र तोड्ने प्रयास गर्दा भएको प्रहरी हस्तक्षेप, धरपकड, पानीको फोहोराले प्रहार, चर्का नाराबाजी, रमाइलो दोहोरी आदि दृश्य हेर्न पाउनु हुनेछ। यी भिडियोहरुको पूर्ण अंश पनि क्रमशः राख्दै जानेछु। आजलाई सारांश हेर्न भित्र आउनुहोला। (more…)

मानवअधिकार दिवसका अवसरमा बसन्तपुरमा आयोजित सभामा नेपाल बार एसोसिएसनका अध्यक्ष शम्भु थापाले राख्नुभएको प्रश्न हो यो। शम्भु थापाको सम्बोधनको भिडियो हेर्नका लागि भित्र आउनुहोला। आजका अरु भिडियोहरु पनि म क्रमशः राख्दै जानेछु। (more…)