२०६२ माघ १७, सोमबार

लोकतान्त्रिक स्रष्टाहरुको संयुक्त मञ्चले आज पाटनको यलमाया केन्द्रमा लोकतान्त्रिक सिर्जना प्रदर्शनीको आयोजना गर्‍यो। भाषण र नाराबाजीभन्दा बेग्लै र केही हिसाबमा त त्योभन्दा सशक्त हुने गर्छ यसबाट निस्कने विरोधका आवाज र भाव। हिजो नयाँ बानेश्वरमा वाचन गरिएका केही कविता साँच्चिकै बन्दूकको गोलीभन्दा बढी असर पार्ने खालका थिए। प्रदर्शनीमा फोटो, कार्टुन, मूर्ति, चित्रकला आदि प्रदर्शन गरिएको थियो। त्यसैगरी लोकतान्त्रिक चलचित्रकर्मीहरुले बनाएको २० मिनेट लामो आवाज शीर्षकको चलचित्र पनि प्रदर्शन गरिएको थियो। भित्र हेर्नुस् प्रदर्शनीमा खिचिएका थप २१ फोटोहरु। (more…)

सरकारले सुरक्षा दिन्छु भनेर भने पनि विश्वास नगरेकाले सात दलको आह्वानमा बिहीबार भएको नेपाल बन्दका क्रममा सिंहदरबारअगाडिको सडक सुनसान भयो।

भिडियो ब्लगमा बढी ध्यान दिन थालेपछि फोटो ब्लगमा कम ध्यान गइरहेको छ। वास्तवमा फोटो ब्लग गर्दा छुट्टै मजा छ। आज त्यही धोको पूरा गर्नका लागि भिडियो ब्लगलाई भोलिसम्मका लागि स्थगित गरेर आजका २१ वटा फोटोहरुका साथ आएको छु। भिडियो ब्लग पनि धेरै छन्- उम्मेदवारको मनोनयन दर्ता गराउनेको भीड, केही मेयर पदका उम्मेदवारहरुको अन्तर्वार्ता, रुबिन गन्धर्वका गीत र चर्का नारा अनि भाषण। भोलिदेखि बिस्तारै त्यसलाई अपलोड गर्न थाल्नेछु। आज भने दिनभर खिचेका फोटोहरुबाट यो फोटो ब्लग। बाँकी (more…)

नेपाल मजदुर किसान पार्टीले मंगलबार भक्तपुरदेखि काठमाडौंसम्म निरंकुशताविरोधी आवाज घन्काउँदै पैदल यात्राको आयोजना गर्‍यो। भक्तपुरका बालबालिका, महिला, वृध्द गरी हजारौंले यसमा सहभागिता जनाएका थिए। र्‍याली नयाँ बानेश्वरको लोकतन्त्र चोकमा सभामा परिणत भएको थियो। तस्वीरमा एक बालक स्कूल ड्रेसमा प्लेकार्ड प्रदर्शन गर्दै। थप तस्वीर र भिडियो ब्लगका लागि भित्र आउनुस्। (more…)

२०६२ पुस १, शुक्रबार
नगरकोट कान्डको यस फोटो फिचरमा ज्यादै विभत्स खालका फोटोहरु पनि रहेकोले तपाईँलाई पहिले नै सचेत गराइन्छ। यदि तपाईँ विभत्स फोटोहरु हेर्नसक्नु हुन्न भने भित्र प्रवेश नगरेकै वेश। (more…)

२०६२ पुस १, शुक्रबार

मध्यरातको १२ बजिसकेकोले मैले डेटलाइनमा पुस १ लेखेको हुँ। तर ननिदाएसम्म दिनभरका घटनालाई आज नै मान्ने मेरो आफ्नै सिध्दान्त रहेको छ। त्यसैले लेख्दा भने आज नै लेख्दैछु। आज सात दलको सभा छ भन्नेबित्तिकै मैले डिसेम्बर २ को एमालेको जनसभामा उर्लिएको जनसागर सम्झिएको थिएँ र सोचेको थिएँ- एउटा पार्टीले गर्दा त त्यत्रो मान्छे थियो भने झन् सात-सात वटा दलले गर्दा कति मान्छे होलान्…… (more…)

२०६२ मंसिर १४ मंगलबार
सरकारले रेडियो सगरमाथालाई अर्को आदेश नभएसम्म प्रसारण रोक्का गर्न दिएको आदेश कार्यान्वयन नगर्नू-नगराउनु भनी सर्वोच्चले आज आदेश दिएपछि ४३ घण्टा ४७ मिनेट बन्द भएको एफएम १०२.४ मेगाहर्जमा समाचार प्रसारण भयो। तर फेरि सरकारले अर्को पत्र बीबीसी चाहिँ प्रसारण नगरेस् भनेर थमाएछ। त्यसकारण बीबीसी नेपाली सेवाको रिले भने आज भएन। रेडियो सगरमाथाको वक्तव्य र अघिल्लो दिन अर्थात् सोमबार भएको विरोध प्रदर्शनका फोटोहरु हेर्न भित्र आउनुहोला। बाँकी (more…)

सञ्चार अध्यादेशका विरोधमा विशाल र्‍याली र सभा

२०६२ कात्तिक २७, आइतबार

सञ्चारलाई नियन्त्रण गर्न ल्याइएको अध्यादेशको विरोधमा आज राजधानीमा एउटा र्‍याली सम्पन्न भयो। त्रिपुरेश्वरबाट निस्केको र्‍याली विभिन्न नारा लगाउँदै थापाथली, बबरमहल हुँदै एक घण्टापछि नयाँ बानेश्वरको लोकतन्त्र चोक पुगेको थियो। रत्नपार्कलाई निषेधित क्षेत्र घोषणा गरेपछि आन्दोलनको प्रमुख केन्द्र बन्न पुगेको नयाँ बानेश्वरलाई आजैदेखि लोकतन्त्र चोक घोषणा गरिएको हो। (more…)

२०६२ कात्तिक २५, शुक्रबार

अपांगहरुले पनि सरकारलाई साथ दिएनः गैसस आचारसंहितको विरोधमा आयोजित सभामा नेपालको अपांगहरुको प्रतिनिधित्व गर्दै सम्बोधन गरिरहेका एक अपांग।
राष्ट्रिय तथा अन्तर्राष्ट्रिय रुपमा चर्को आलोचना भइरहे पनि सरकारले गैर सरकारी संस्थाहरुलाई नियन्त्रण गर्ने उद्देश्यले हिजो आचारसंहिता जारी गरेपछि देशभरका गैरसरकारी संस्थाहरु आजदेखि चरणवध्द आन्दोलनमा उत्रिएका छन्। गैर सरकारी संस्थाहरुले उक्त आचारसंहिताको अवज्ञा गर्ने भएका छन्। आन्दोलनको प्रथम चरणमा आज पाँचै विकास क्षेत्रमा आचारसंहिता जलाइयो। काठमाडौंको बानेश्वरमा पनि एउटा सभापछि आचारसंहिता जलाइएको थियो। त्यसो त अपराह्न ३ बजे माइतिघरको मण्डलाबाट जुलुससहित नयाँ बानेश्वरमा सभा गर्ने कार्यक्रम सुरुमा थियो। तर ठीक त्यति नै बेला राजा सार्कका लागि विमानस्थल सवारी हुने भएकोले कार्यक्रमको स्थान परिवर्तन गरिएछ राजाको सुविधालाई दृष्टिगत गर्दै।

यो कार्यक्रमको भिडियो ब्लग हेर्न यहाँ क्लिक गर्नुहोला। (6.8 mb, wmv format) (more…)

[भित्र केही नयाँ फोटो अपडेट गरिएका छन्। ]कुरा पुरानै हो। तर पनि तिहारको बेला अरु कुरा सुन्ने र लेख्ने मूड नभएको बेला सुन्दरीको विषय छान्न पुगेँ। मिस नेपालमा मेरो फेभरेट थिइन् उनी। तर किन हो, फस्ट रनर अपमा नै चित्त बुझाउनु पर्‍यो उनलाई। गफै त हो, सुनिएको थियो- मिस अर्थमा उपाधि जिताउनका लागि उनलाई फस्ट रनर अप बनाइएको रे।

केही अगाडि फिलिपिन्समा मिस अर्थ २००५ पनि भयो। त्यहाँ शभोना देखिइन्। तर अन्तर्राष्ट्रिय सौन्दर्य प्रतियोगितामा बिना उपाधि रित्तो हात फर्कने “गौरवपूर्ण उपलब्धि”लाई उनले पनि कायमै राखिन्। फोटोहरुमा भने निकै राम्री देखिइन् शभोना। अब उनको आगामी गन्तव्य के त ? भूपू मिस नेपाल पायल शाक्यले जस्तै र्‍याप गीतको म्युजिक भिडियोको मोडल बन्ने र शाकालाका बूम चाउचाउको शोमा धूम मचाउन जाने ? शभोनाको अरु फोटो हेर्न भित्र आउनुहोला।

शभोना त रित्तै फर्किन् अब मिस नेपाल सुगरिकाले सान्यामा के गर्ने हुन् कुन्नि ? बाँकी (more…)

२०६२ कात्तिक १७, बिहीबार

पाल्पाको रानीमहललाई नेपाली ताजमहल भन्ने गरेको सुनेको थिएँ। तर आज रानीपोखरीमा भेटिएका एक जोडी पोखरीको बीचमा रहेको बालगोपाल मन्दिरलाई नै नेपाली ताजमहलको संज्ञा दिँदै थिए। प्रताप मल्लले आफ्नी रानीको लागि मायाले बनाएको भएर यसलाई पनि ताजमहल भने हुन्छ रे, आफ‌्नी प्रेमिका (शायद) सित उ तर्क गर्दै थियो। भाइटीकाको दिन वर्षको एक पटकमात्र खुल्ने यो मन्दिर सुन्दर त छ नै यही विशेषताका कारण अरुभन्दा फरक पनि छ। आज अपराह्न त्यहाँ पुगेर खिचेका विभिन्न फोटोहरुसहितको फोटो फिचर हेर्ने भए भित्र आउनुस्। भिडियो हेर्नका लागि यहाँ क्लिक गर्नुहोला। डाउनलोड गरेर हेर्न यहाँ राइट क्लिक गरी सेभ टार्गेट एज गर्नुस्। बाँकी (more…)

नेपाल संवत नयाँ वर्षको शुभकामना सन्देश कनिष्ठ उपाध्यक्षबाट
२०६२ कात्तिक १६ बुधबार
नेपाल संवत् ११२६ नव वर्षको उपलक्ष्यमा यस वर्ष मन्त्रिपरिषद्‍का कनिष्ठ उपाध्यक्ष कीर्तिनिधि विष्टबाट मात्र शुभकामना सन्देश आएको छ। ०४६ सालमा बहुदलीय व्यवस्थाको पुनर्स्थापनापछि हरेक वर्ष प्रधानमन्त्रीबाट शुभकामना सन्देश आउने गर्थ्यो। र, यस अवसरमा बसन्तपुरमा हुने सांस्कृतिक र्‍यालीपछिको सभामा पनि प्रधानमन्त्री नै अतिथि हुने चलन थियो। यस पटक भने मन्त्रिपरिषद्‍को नेतृत्व नै राजाले गरेको स्थिति छ। तर राजाले आफ्नै देशको नाममा चलेको नेपाल संवतको अवसरमा दुई शब्द शुभकामना सन्देश दिने कष्ट गरेनन्। न वरिष्ठ उपाध्यक्ष तुलसी गिरीलाई नै त्यस्तो कष्ट गर्न मन लाग्यो। राणा प्रधानमन्त्रीका पालामा चलाइएको विक्रम संवतको नयाँ वर्षका अवसरमा भने आउने गर्छ राजाको सन्देश। यद्यपि, सँधै झैं विभिन्न राजनीतिक दलका नेताहरुले भने नेपाल संवत् ११२६ नयाँ वर्षको उपलक्ष्यमा शुभकामना सन्देशहरु दिएका छन्।

न्हूदँ अर्थात् नव वर्षको उपलक्ष्यमा मासंगल्लीमा बनाइएको मन्दः अर्थात् मण्डला। [भित्र तिहारका अरु पनि फोटोहरु] (more…)

२०६२ कात्तिक ११, शुक्रबार

तिमी नागरिकको सूचनाको हक खोसी आँखा, कान बन्द गर्न खोज्छौ, हामी त्यसको विरोधमा बजार बन्द गर्छौं- कालिमाटीमा बन्द भएको बजार।
सात दलले आज आह्वान गरेको उपत्यका बन्दका बारेमा फोटो फिचर हेर्ने भए भित्र आउनु होला। सबै फोटो म आफैले खिचेको हुँ। (more…)

२०६२ कात्तिक ७ सोमबार
आज इन्द्रचोकमा कालो अध्यादेश जलाउन खोज्दा प्रहरीले हस्तक्षेप गर्‍यो। ठ्याक्कै त्यतिबेला ब्याट्री सकियो। तर झडप लामो समयसम्म भयो। त्यो झडपलाई मैले भिडियो ब्लगका रुपमा प्रस्तुत गरेको हुँ। यो भिडियोको साइज ठूलो भएकोले अपलोड गर्न निकै समस्या भयो। त्यसैले सजिलो उपायका रुपमा सेभफाइलमा होस्ट गरेको छु। यहाँ क्लिक गरी नयाँ पेज खुलेपछि डाउनलोड लेखिएको ठाउँमा क्लिक गरी फाइल डाउनलोड गर्नुस्।
भिडियो हेर्न असमर्थ हुनेहरुका लागि मैले भिडियोका केही दृश्य भित्र राखेको छु। त्यहाँ पनि हेर्न सक्नुहुन्छ। (more…)

२०६२ कात्तिक ७ सोमबार

जब कलमलाई जञ्जीरले बाँधिन्छ, एफएमका माइकका तार चुँडाइन्छन्, तब यसरी विरोध गर्नुको विकल्प रहँदैन। अहिले केही छिनअघि भोटाहिटीमा प्ररायुसंघले कालो अध्यादेशका विरोधमा जुलुस निकालेर इन्द्रचोकमा कोणसभा गर्‍यो। कोणसभापछि अध्यादेश जलाउन खोज्दा प्रहरीले हस्तक्षेप गर्‍यो। यस सम्बन्धी भिडियो, अडियो र थप तस्वीरसहित म छिट्टै नै ब्लग लेख्दैछु। (अपराह्न ४३० NST)

२०६२ असोज १० सोमबार

आज कीर्तिपुरमा भएको नागरिक सभामा सबैभन्दा पहिले प्रस्तुत गरिएको थियो, सर्वनामको पर्खाल शीर्षकको यो प्रतीकात्मक नाटक। नाटकको फोटो फिचरका लागि भित्र आउनुहोला। (more…)