राजाले आफूले शासन सत्ता हातमा लिएको एक वर्ष पुगेको दिन भोलि बिहान ९ बजे विशेष सम्बोधन गर्ने समाचार सार्वजनिक भएपछि अनुमानको बजार तातिएको छ। कतिले अनुमान गरिरहेका छन्, एक वर्षअगाडिको भन्दा कडा कदम चालिन सक्छ। कोही भन्छन्- राजमुकुट नै खतरामा पर्ने भएकाले राजाले केही सम्झौताको बाटो अंगाल्न सक्छन्। के होला त भोलि ? (more…)

गत वर्ष माघ १९ को शाही कदमकाविरुध्द वासिङटन डीसीवासी नेपालीहरुले आइतबार एक विरोध र्‍यालीको आयोजना गर्दै राजतन्त्रको विरोधमा चर्का नाराबाजी गरेका छन् शाही कदमका विरुध्द अन्तराष्ट्रिय जनमत सृजना गर्नका लागि ह्वाइटहाउसअगाडि सम्पन्न विरोध र्‍यालीमा झण्डै दुई सय नेपालीहरुको सहभागिता रहेको थियो।

उक्त अवसरमा नेपालमा लोकतन्त्र बहाली, मानवअधिकारको ग्यारेन्टी, राजनीतिक बन्दीहरुको बिना शर्त रिहा, सैनिक घेराभित्र गरिन लागेको नगर निर्वाचनको स्थगन गरिनुपर्ने, माओवादी र सात दलबीचको १२ बूँदे सहमतिका आधारमा द्धन्द्ध समाधानका लागि पहल गरिनुपर्ने, प्रेस स्वतन्त्रताको बहाली लगायतका मागको नारा, प्लेकार्ड र व्यानर सहितको जुलुसले ह्वाइटहाउस अगाडि परिक्रमा गरेको थियो। (more…)

२०६२ माघ १६, आइतबार
अपडेटः शाही चुनाव एउटा ठट्टा बन्न पुगेको छ। प्राप्त पछिल्लो जानकारी अनुसार माघ २६ गते ४ हजार १ सय १६ पदका लागि चुनाव हुनुपर्नेमा आधा अर्थात् २ हजार १ सय ४ स्थान रिक्त छन्। अर्थात् त्यहाँ कसैको उम्मेदवारी परेको छैन। अब त्यहाँ माघ २६ गते निर्वाचन हुँदैन। त्यहाँका लागि छुट्टै निर्वाचन कार्यक्रम बनाइन्छ। यसरी हेर्ने हो भने अरुलाई चुनाव गराउन नसकेको भन्दै असक्षमको पदवी गुल्ट्याएर शासन सत्ता आफ्नो हातमा लिने मन्त्रिपरिषद्का अध्यक्ष आफैले पनि भनेको समयमा चुनाव गराउन नसकेको प्रष्ट भएको छ। २२ वटा नगरपालिकामा अरु उम्मेदवार नभेटिएपछि एक्ला उम्मेदवारलाई निर्विरोध विजयी भएको घोषणा गरिएको छ।

निर्वाचन आयोगले सोमबारदेखि चुनाव प्रचार प्रसार गर्ने वातावरण मिलाउन सरकारलाई भनेको छ। दस दिन बाँकी छ चुनाव, तर धेरैले उम्मेदवारको विषयमा नै थाहा पाएका छैनन्। हेरौं, अब भोलिदेखि कसरी उनीहरु ‘दुलो’ बाट बाहिर निस्केर चुनाव प्रचार गर्न आउने हुन्। स्वतन्त्र समाचार सेवाका अनुसार उम्मेदवारहरु कडा सुरक्षा घेराभित्र लुकीलुकी हिँडिरहेका छन्। स्वससेको समाचार पढ्न भित्र आउनुस्। (more…)

राजाले शासन सत्ता आफ्नो हातमा लिएको एक वर्ष पूरा हुने दिन फेब्रुअरी १ तारिखका दिन विश्वका विभिन्न देशमा विरोध प्रदर्शन तथा र्‍यालीको आयोजना हुने भएको छ। यससम्बन्धमा मलाई ईमेलबाट प्राप्त केही जानकारी यहाँ प्रस्तुत गर्दैछु। कृपया अरु केही कार्यक्रम छन् भने जानकारी पठाउन अनुरोध छ। (more…)

निषेधाज्ञा हटाइएपछि हिजो न्युरोडमा भएको तनाव र भिडन्तको भिडियो ब्लग प्रस्तुत गर्ने क्रममा आज तेस्रो तथा अन्तिम अंश प्रस्तुत गर्दैछु। यो अंशमा पानीको फोहोरालाले लागेर एक प्रदर्शनकारी ढलेको दृश्य देख्न सकिन्छ। हिजोको प्रदर्शनका क्रममा दुई जना प्रदर्शनकारी पानीको फोहोराले लागेर बेहोस भएका थिए। हिजोको प्रदर्शनमा जति पानीको फोहोराले प्रहार गरे पनि प्रदर्शनकारीहरु पछि नहटेर झन्-झन् अगाडि बढेको, पछाडि फर्केर पानीको फोहोरा फर्काउने प्रहरीलाई नितम्बतिर इंगित गर्दै जिस्क्याएका दृश्य रमाइला थिए। तर क्यामेरामा जुमको सुविधा नभएकोले ती दृश्य प्रष्ट भने देखिएको छैन। सक्छस् भने गोली ठोक भन्दै छाती थापी उफ्रिएको दृश्य भने तपाईँ देख्नसक्नुहुन्छ। भिडियो हेर्नका लागि भित्र आउनुहोला। (more…)

२०६२ माघ ११, मंगलबार
अपडेटः दोस्रो अंश पनि भित्र अपडेट भइसकेको छ। दोस्रो अंशमा मेरो क्यामेरामा पानीको फोहोरा लाग्दाको दृश्य पनि देखिन्छ।

अपडेटः आजको भिडन्तका E X C L U S I V E दृश्यहरु मध्ये पहिलो अंश भित्र राखिसकेको छु।

आजका मितिदेखि लागू हुने गरी चक्रपथ क्षेत्रभित्रको निषेधाज्ञा हटाइएपछि भएको पहिलो प्रदर्शनका कारण न्युरोड क्षेत्र दिनभर तनावग्रस्त रह्यो। प्रहरीले आज प्रदर्शनकारी र सामान्य बटुवालाई समेत निर्ममतापूर्वक लाठी प्रहार गरेको देखिन्थ्यो भने ३ दमकल पानीको फोहोरा म हुँदासम्म छ्यापिएको थियो। पानीको फोहोरा छ्याप्ने क्रममा प्रहरीले हामी पत्रकारहरु भएको ठाउँमा समेत लक्षित गर्दा मेरो क्यामेरा र जीउ निथ्रुक्कै भयो भने च्यानल नेपालको एउटा क्यामेरा बिग्रियो। जति पानीको फोहोरा छ्याप्दा पनि प्रदर्शनकारीहरु त्यहाँबाट हटेका थिएनन्। यससम्बन्धी केही एक्सक्लुसिभ दृश्यहरु अहिले केही बेरपछि म सार्वजनिक गर्ने तयारीमा छु। कृपया प्रतीक्षा गर्नुहोला।
यसैबीच प्राप्त जानकारी अनुसार काठमाडौंमा मात्र हैन, धरान र पोखरामा पनि प्रिपेड मोबाइल सरकारले बन्द गराएको छ। (more…)

(EXCLUSIVE Video Footage inside)
२०६२ माघ ८, शनिबार
ती बिचरा लोकतान्त्रिक स्रष्टाहरुले के त्यस्तो अपराध गरेका थिए र उनीहरुलाई त्यसरी दमन गर्दै गिरफ्तार गर्नुपर्थ्यो ? उनीहरु कवितामात्रै त भन्दै थिए। त्यहाँ केही उग्र प्रहरीहरुले स्रष्टाहरुमात्रै हैन, पत्रकारहरुलाई पनि दुर्व्यवहार गरे। पत्रकार टंक पन्त र प्रकाश सिलवाललाई भ्यानमा कोचे। साथी मणिले समेत एक लाठी खाएछ। देउडा गायक नन्दकृष्ण जोशी “हामी तपाईँहरु कै लागि संघर्ष गरिरहेका छौं” भनी प्रहरीलाई सम्झाउँदै थिए। कठालो समातेर भ्यानतिर तानिँदै गर्दा लोकतन्त्रवादी कवि अर्जुन पराजुली कराउँदै थिए- कुनै घरको भित्तो फोरिएन, कुनै बैंक लुटिएन, कुनै मूर्ति चोरिएन…स्रष्टाहरुमाथि लाठीसमेत बर्साइयो। भिडियो ब्लग हेर्न भित्र आउनुहोला। (more…)

उपत्यका प्रवेशमा निकै कडाइ

२०६२ माघ ७ शुक्रबार @ 1218 am NST

सात दलको माघ ७ को सभाको प्रचारका लागि टाँसिएका पोस्टर च्यातच्युत पारिए पनि भोट खसाउन जाउँ भन्ने पोस्टर भने जस्ताको तस्तै। अझै पनि चुनाव होला त ? फोटोः उमेश
सरकारले राजधानीमा शुक्रबार हुने भनिएको सात दलको प्रदर्शनमा ठूलो संख्यामा उपत्यका बाहिरका नेता तथा कार्यकर्ता र सर्वसाधारण आउने ठानेर थुनछेक गरिरहेको छ।

उपत्यका छिर्ने प्रवेश नाकामा ठूलो संख्यामा सुरक्षाकर्मीहरु तैनाथ गरी राजधानी छिर्न कडाई गरिएको छ । उपत्यकाको नाकाहरुमा रहेका शाही नेपाली सेनाको गुल्म र चेकपोष्टमा रहेका युनिफाइड कमाण्डका सुरक्षाकर्मी परिचालन गरी चक्रपथ बाहिरका नागरिकलाई समेत चक्रपथभित्र प्रवेशमा कडाइ गरेको छ जसले गर्दा चक्रपथभित्र अर्कै राज्य भएको जस्तो महसूस हुन थालेको छ। बाँकी (more…)

कृपया भिडियो ब्लग सुचारु गर्न सहयोग गर्नुहोस्।
निषेधाज्ञा लागू भएको दिन थियो अर्थात् माघ ४ गते। बिहानैदेखि निषेधाज्ञा ठाउँठाउँमा तोडिने क्रम जारी थियो र साथी मणी दाहालसँगै म निस्किएको थिएँ स्थिति बुझ्न। कान्तिपुर टेलिभिजनका दीपक भट्टराईले साढे दुई बजे नयाँ बानेश्वरमा कार्यक्रम छ भनेकोले त्यतैतर्फ लाग्यौं। हामी त्यहाँ पुग्दा आयोजकहरु भन्दा पनि पत्रकारहरुको भीड बढी थियो। साथी खिलाले हाँडीगाउँबाट नरहरि आचार्यहरुले गिरफ्तारी दिँदैछन् भन्ने सूचना दिए। तर तत्काल त्यहाँ पुग्न संभव थिएन। एकैछिन पछि त्यहाँ मोटरसाइकल र्‍याली निकाल्ने प्रयास हुँदाहुँदै गिरफ्तार गर्ने क्रम सुरु भइहाल्यो। यससम्बन्धी भिडियो ब्लग मैले यहाँ गरिसकेको छु। र्‍याली निकाल्नै नदिई गिरफ्तारी गरिएको थियो तर पुनः र्‍याली निकाल्ने कुरा थियो। एक जना कार्यकर्ताले हामीलाई सुटुक्क रत्नराज्य स्कूलबाट निस्कँदैछ भन्ने खबर दियो। त्यहाँ पुग्दा भने केही देखिएन। अनि बाध्य भएर हामी असनतर्फ लाग्यौं। त्यहाँ अर्को आकस्मिक रुपमा घोषणा गरिएको कार्यक्रम रहेछ। (more…)

२०६२ माघ ५ बुधबार
हैन यो सरकार किन यति विधि शान्तिपूर्ण प्रदर्शनदेखि डराएको हो ? आज शाही गृहमन्त्री कमल थापा वार्तामा नआए कडा कदम उठाउने धम्की सात दललाई दिँदै थिए। आज फेरि कर्फ्युको समय एक घण्टाअगाडि सारी नौ बजेदेखि नै कर्फ्यु लगाइयो। आज त भक्तपुर पनि कर्फ्युको मारमा पर्‍यो। बिचरा रेस्टुरेन्ट र डिस्कोहरुका मालिक के गर्दै होलान्। पर्यटन उद्योगको त अहिले कुरा नै नगरौं ! अब यसरी नै कर्फ्युको अवधि बढाउँदै ७ गतेसम्ममा ५-६ बजेतिरै कर्फ्यु लगाउन पनि बेर छैन। अनि एउटा गतिलो भविष्यवाणी चाहिँ मोबाइल र ल्यान्डलाइन टेलिफोन बन्द हुन्छ कि हुँदैन भनेर गर्ने कोही खोज्ने बेला भएको छ। किनभने चारैतिर हल्ला छ- आज कि भोलि, बन्द गर्छ रे। सरकार आत्तिएको देख्दा त्यस्तो संभावनालाई नकार्न सकिन्न। (more…)

२०६२ माघ ४, मंगलबार
जनकपुरको विशाल सभाबाट आत्तिएको सरकारले काठमाडौंमा आगामी माघ ७ गते हुने भनिएको पूर्व निर्धारित शान्तिपूर्ण सभालाई रोक्न राति कर्फ्यु र दिनमा निषेधाज्ञाको घोषणा गरे पनि आज काठमाडौंमा लोकतन्त्र र राजाविरोधी नारा रोकिएनन्। आज म साढे दुई बजे नयाँ बानेश्वरमा सात दलको पूर्वघोषित मोटरसाइकल र्‍याली र एमाले अखिलले आकस्मिक रुपमा घोषणा गरेको असनबाट इन्द्रचोकसम्मको राँके जुलुसको कार्यक्रममा सहभागी भएँ। भिडियो ब्लगसहित थप विवरणका लागि भित्र आउनुस्। (more…)

अपडेट २: कोइराला निवासमा बसेको सात दलको बैठकले सरकारी प्रतिबन्धको निन्दा गर्दै माघ ७ को कार्यक्रम जसरी पनि सफल पार्ने प्रतिवध्दता व्यक्त गरेका छन्। एमाले महासचिव माधव नेपालले राज्यले जस्तोसुकै दमन गरे पनि कार्यक्रम गरेरै छाड्ने भन्दै शान्तिपूर्ण आन्दोलनविरुध्द सरकारले युध्द घोषणा गरेकोले अझ उच्चस्तरको कार्यक्रम घोषणा गर्ने बताए। काँग्रेस नेता अर्जुन नरसिंह केसीले सात दलले हिंसाको विरोध गर्ने बताउँदै १२ बूँदे सहमतिप्रति प्रतिवध्द रहेको बताए।

अपडेट १: जनताको शक्तिदेखि अत्तालिएको निरंकुश सरकारले आजदेखि राजधानीको कर्फ्यु अवधिलाई एक घण्टा अगाडि बढाएको छ। अब राति १० बजेदेखि बिहान ४ बजेसम्म कर्फ्यु लाग्नेछ।

निरंकुश शाही सरकारले लगाएको शान्तिपूर्ण सभा, जुलुस र धर्नासमेत गर्न नपाउने गरी लगाएको प्रतिबन्धलाई २४ घण्टा पनि नबित्दै काठमाडौं‍ र ललितपुर दुवै ठाउँमा तोडिएको छ। बानेश्वरमा सात दलको पूर्वनिर्धारित मोटरसाइकल र्‍यालीमा प्रहरीले हस्तक्षेप गरी केही नेता तथा कार्यकर्तालाई पक्राउ गरिए पनि प्रहरीको आँखा छलेर जुलुस निस्केरै छाड्यो। त्यसैगरी असनबाट पनि साहसी युवा विद्यार्थीहरुले साढे चार बजेतिर राँके जुलुस निकालेर सहर घुम्दा प्रहरी जिल्ल परेको थियो। यससम्बन्धी EXCLUSIVE भिडियोहरु केही समयपछि राख्दैछु। कृपया प्रतीक्षा गर्नुहोला। फोटोमा त्यौडबाट विद्यार्थीहरुले निकालेको राँके जुलुस

माघ ७ गतेको प्रदर्शनको प्रचारमा यस्ता पोस्टर काठमाडौं भर टाँसिएका छन्। यो फोटो चाहिँ मैले शनिबार नयाँ बानेश्वरमा खिचेको हुँ।

अब माघ ७ गते हुने भनिएको सात दलको शान्तिपूर्ण विरोध प्रदर्शनको कार्यक्रम के होला त ? सरकारले त चक्रपथ क्षेत्रलाई नै निषेधित क्षेत्र घोषणा गरी हाल्यो। बिचरा दलहरु पहिले रत्नपार्क, शहीद मञ्चबाट लखेटिए। अब भर्खरै न्वारन गरेको नयाँ बानेश्वरको लोकतन्त्र चोकबाट पनि लखेटिने भए। यो शान्तिपूर्ण प्रदर्शन धेरै किसिमले महत्त्वपूर्ण हुने थियो। जनकपुरको आमसभाले देखाइसकेको थियो विशाल जनउपस्थिति। धेरै तयारी पनि भइरहेको थियो सातै दलबाट, तयारी जुलुस भइरहेका थिए, ह्वीप जारी गरिएको थियो। निर्वाचनमा भाग नलिन माअ‍ोवादीले धम्क्याए जस्तै सरकारले सर्वसाधारणलाई शान्तिपूर्ण प्रदर्शनबाट टाढै रहन धम्कीको शैलीमा प्रचार गरिएको छ। (more…)

निरंकुशताको अन्त गर्न सात दलद्वारा आयोजित विरोध सभामा जनसागर उर्लिएको देखेर स्वयम आयोजकहरुले जिब्रो काढे। लाखौलाख नागरिकले उत्साहसाथ जनसभामा भाग लिए।

मिथिला क्षेत्रमा भएको विरोध सभामा जनसागर उर्लेको देखेर नेताहरु दंग पर्दै चर्का भाषण गरे। उनीहरुले भनिदिए-अब राजाको शासन समाप्त हुन्छ।

राजाको शासनलाई लम्ब्याउने सोचाई बोकेका दलाल पिछलग्गु तथा चम्चाहरुले विरोध सभालाई बिथोल्न गरेको प्रयासलाई निस्क्रिय पार्न नागरिक सञ्जाल सक्रिय रह्यो। सुरक्षा बेस क्याम्पमा पाँच वटा बसलाई भने सुरक्षाकर्मीले रोकिदिए। भिमवान क्याम्प नजिक बसहरुलाई रोक्दै झण्डा, ब्यानर र तुल खोसियो। (more…)

२०६२ पुस २७, बुधबार

दिवंगत राजा दीपेन्द्रसँगको प्रेम सम्बन्धका कारण चर्चामा आएकी देव्यानी राणा आज नेपाल आउँदै छिन्। (more…)